Gizakiak sortu duen ezagutza-eremurik zabalena da Internet baina, hori bai, gizaki guztiek ez dute eskura-eskura bertako uretan nabigatzea. Zenbaitetan web orriak, mundura begirako leiho zabalak izan ordez, ezin gaindituzko oztopo bihurtzen zaizkio minusbaliaturik dagoen gizakiari. Ez luke horrela izan behar, jakina. Teknologiari esker, teknologia jende gehiagorentzat egon daiteke eskura. Hiru dimentsioko konparazioak begi bistakoak dira: eskailera maila batzuen ordez arrapala bat egitea ez da garestiagoa, ez zailagoa ere, baina ez da beti horrela egiten.

EROSKI FUNDAZIOAk, inor erabat bazterturik gerta ez dadin, bere web guneak ahalik eta jende gehienarentzat topaleku bihurtzeko konpromisoa hartu duenez, nolabaiteko ezintasunik nozitzen duen pertsonari Interneten barrena nabigatzea errazago gera dakion berariaz prestatuak egon behar dute web gune horiek.

Estandarrekiko elkargarritasuna

Etengabe bilakatzen ari da gure web gunea: gizaki ororentzat web eduki eskuragarriak sortzeko proiektuan nazioarteko estandarrak taxutzen dituen WAI (Web Accessibility Initiative, www.w3.org/WAI/) ekimenaren arabera ari gara lanean:

• XHTML 1.1 (garapen fasean)
• CSS (garapen fasean)
• WAI-AAA (garapen fasean)

Bilakaera jarraitu hori dela medio, oraindik gure web gune guztiek ez dituzte betetzen estandar horiek %100ean; guztiek ez, baina gehienek bai.

Baliagarritasun eta eskuragarritasuna hobetuz

Web gunea eskuragarriago bihurtzeko hainbat neurri hartu dira, hala nola:

• Nabigazio sistema soildua: ez dira baliatzen "konbo" edo zerrenda destolesgarriak.
• Nabigazio eta ikuspen-estruktura koherente eta osatua web gune osoan.
• Nabigatzaile guztiekin funtzionatzen du, JavaScript edo bestelako teknologiak instalatzeko beharrik izan gabe.
• Web gunearen estrukturan aurrerantz eta atzerantz nabigatzea ahalbidetzen duten goi-estekaduren bitartez adierazten da kokapena.
• Elkarrekin loturiko estekadurak multzo berean daude, multzo bereko denak batera gainditu edo saihestu ahal izateko.
• Funtzio nagusietara teklak sakatuz irits daiteke, sagua ukitu gabe.

Hona hemen web gunean eskuragarri dauden bidezidor nagusiak:

• 0: Web guneko azalera joatea.
• 1: Nabigazioa gaindituta, edukira joatea.
• a: Elikadura kanalera joatea.
• b: Brikolaje kanalera joatea.
• e: Ekonomia domestikoaren kanalera joatea.
• d: Hezkuntza kanalera joatea.
• m: Ingurune kanalera joatea.
• o: Motor kanalera joatea.
• t: Teknologia Berrien kanalera joatea.
• s: Osasun kanalera joatea.
• c: Elikagaien segurtasunaren kanalera joatea.
• l: Elkartasun kanalera joatea.
• v: Bidaien kanalera joatea.
• i: Etxebizitza kanalera joatea.

Tekla bitarteko bidezidorrak aktibatzeko era nabigatzailearen arabera aldatzen bada ere, hona hemen ohikoenak:

• Internet Explorer: ALT + letra + ENTER.
• Firefox edo Netscape: MAIUSK + ALT + letra.
• Opera: MAIUSK + ESC + letra.
• Konqueror edo Safari: CTRL sakatu eta utzi. Ondoren, sakatu nahi den letra.

Diseinu malgua

Web gunearen maketazioa aldatu da, testua ez ezik, web osoa ere nahi duen tamainara egoki dezan interesatuak. Aurkezpenaren tamaina handitu ez txikitu nahi izanez gero, horrela ere egin daiteke:

• Sagua baliatuz: orrialdeen goi aldeko eskuinean agertzen diren "Tamaina -" edota "Tamaina +" ikonoetan klikatuz.
• Saguaren gurpiltxoa baliatuz: CTRL tekla sakatu eta gurpiltxoari aurrera eta atzera eraginez.
• Teklatuan:
  • CTRL tekla + "+" tekla sakatuz, handitzeko
  • CTRL tekla + "-" tekla sakatuz, txikitzeko
• Nabigatzailearen menuan: 'ikusi' > 'testuaren tamaina'.

Estekadurak

Testuak destinoa erabat deskribatzen ez duenean, estekadura gehienek title atributuak dauzkate, bere argibide eta guzti.

Posible den guztietan, testuinguruz kanpo ere adiera izan dezaten moduz idazten dira estekadurak. Nabigatzaile batzuek (JAWS, Home Page Reader, Lynx, Opera) uneko orritik estekadura-zerrenda atera eta bertatik erabiltzaileari nabigatzeko aukera ematen diete. Horrenbestez, estekadurak ez daude bikoizturik eta, bikoiztuta daudenean, eduki berberera doazen seinale.

Ez dago javascript sasi-estekadurarik: estekadura guztiak baliagarri daude zeinahi nabigatzailetan, are javascript bera baliagarri ez dagoenean ere.

Oharra

Gure informazioa irakurtzeko edo eskuratzeko unean oztoporik baldin baduzu edo eskuragarritasuna aldez edo moldez hobe litekeela iruditzen bazaizu, jakinaraz iezaguzu, mesedez, gure kontaktu orrian.

Beste zerbitzu batzuk

Bigarren mailako beste zerbitzu batzuk

• Irisgarritasuna
• Web-Mapa
• Orri honetako Creative Commons lizentziadun irudien egileak