Gotzone Artabe Larraskitu

Ingurune arduraduna

Joan deneko irailean “Aurrezte Bikoitza” kanpaina martxan jarri genuenetik, gure bezeroen %27k lortu dugu Poltsa Berrerabilgarriak erabili ditzan. Sekulako arrakasta, horren denbora gutxian. Horrek esan nahi du herritarron parte handi bat aldez aurretik ere nahikoa kontzientziatuak ginela Ingurunearen alde jarduteko. Tresna egokiak baino ez genituen behar.

Enrique Segovia

WWF Espainiako Kontserbazio Zuzendaria

EROSKIren kanpaina bezalako ekimenek biziki laguntzen dute herritarren kontzientzia hartzea gure planeta zaindu beharraz, eta kontsumo ohituren aldaketa eragiten dute. Oraindik asko geratzen zaigu egiteko negutegi efektua eragiten duten gasen isuriak murrizte aldera.

Ingurunearen defentsan lanean ari diren erakundeek, instituzioek eta giza ardura dugun enpresek bitartekoak eskaini behar dizkiogu kontsumitzaileari zenbait ohitura alda ditzan. Ni ziur nago guztion artean, oraindik ere garaiz gabiltzala aldaketa klimatikoari eutsi ahal izateko.

Alejandro Martínez Berriochoa

ErosKiKogizarte erantzuKizuneKo zuzendaria

EROSKIN uste dugu Ingurumena errespetatzen duen jarrera bat mantentzea ez dela oso garestia izan behar. Kontsumo arduratsuko portaera errazak praktikan jarrita, denok aurreztea lortuko dugu eta, oraingo honetan, ekimen honekin, bikoitza aurreztuko dugu: zuk eta Ingurumenak irabaziko duzue. EROSKIN eskura jarri nahi dizugu.

EROSKIKO AURREZKI BIKOITZEKO kanpainarekin, erosketetako poltsak murrizteagatik, zentimo 1 aurreztuko duzu erabiltzen ez duzun poltsa bakoitzeko. Ingurumena kutsatzen duten plastikozko hondakinak murriztuko dituzu, baita atmosferara egindako CO2 isuriak ere. Zure patrikan eta iraunkorragoa den inguruan nabarituko duzu.

Juan Carlos del Olmo

WWF espainia eraKundearen idazKari ari nagusia

Egiten diren plastikozko poltsak, horiek neurririk gabe erabiltzea eta horien birziklatzeko prozesua gizarte modernoen ingurumeneko arazo larrienetariko bat da. Ingurumenean sortzen duten eraginaz jabetuta, EROSKIK eta WWF Espainia erakundeak gure esfortzuak batu nahi izan ditugu, garbiagoa den eta Ingurumena gehiago errespetatzen duen mundu baten alde egiteko, eta ekimen hau abian jarri nahi izan dugu plastikozko hondakinak murrizteko eta gure planetan babesteko helburuarekin. EROSKIK bezeroei erabiltzen ez dituzten poltsak deskontatuko dizkie erosketa txartelean. Ekimen aitzindari horrek bultzada handia emango die iraunkorragoak diren kontsumo ohiturei biztanleen artean.

Raquel Blanco del Río

EROSKIko bazkide kontsumitzailea

EROSKIko bazkide kontsumitzaile naizenez gero, Kontsumitzaileen Guneetan parte hartzen dut sarri. Ingurumenari buruz iaz egin zen Gunean aukera izan nuen EROSKIk FSC produktu, poltsa berrerabilgarri, tokian tokiko produktu edo arrantza iraunkorraren alde hartutako konpromisoak ezagutzeko eta, batez ere, ideiak eta proposamenak emateko, naturaren alde hartutako konpromiso horietan aurrera egiteko. Halere, mundu gizabidetsuago batean bizi nahi badugu, ohitura batzuk aldatu beharko ditugu gure etxeetan eta aisialdiaz gozatzeko moduetan, bai eta lanean ere. EROSKIk aurreko Guneetan aurkeztu izan diren beste proposamen batzuk abian jarri dituela ikusi dut; beraz, espero dut kontsumitzaileoi entzuteko eta ingurumena errespetatzeko ahaleginak egiten jarraituko dutela.

Gunean batek esan zuen moduan, lurra ez da gurasoengandik jaso dugun zerbait, seme-alabek guri utzitako zerbait baizik. Nik uste dut esaldi horrek oso ondo laburbiltzen duela guk denok naturarekin izan beharko genukeen portaera.