Internet: Mundua ordenagailu batean edo mugikorran

Helduentzat, Internet liburutegi baten antzekoa da, baina hura baino hobea; azken batean, Internet munduko liburutegirik handiena da. Bertan, gertatu berri diren albisteak gainbegira ditzakegu, bai eta edozein gairi buruzko informazioa bildu ere; baina, horrez gain, musika entzun, erosketak egin, mezu elektronikoak bidali eta beste hainbat gauza egin ditzakegu.

Gazteentzat, berriz, Internet herriko plazaren antzekoa da, hobea; izan ere, edozein herrialdetako jendearekin gera daitezke. Internet betiko lagunekin geratzeko leku bat da, lagun berriak egiteko, argazkiak trukatzeko, marmarrean aritzeko…; azken batean, jolasteko eta beste mila gauza egiteko lekua da.

Baina, noski, arretaz ibili behar dugu esaten dugunari edo esaten dugun lekuari dagokionez, Interneteko informazio eta baliabide guztiak ez baitira seguruak, ezta fidatzekoak ere; beraz, gurasoek toki seguruetan ibiltzen irakatsi behar diete beren seme-alabei, eta, aldi berean, haurrei heziketa egokia eman behar diete, teknologia hauek behar bezala erabil ditzaten.