Eta nola esango diet?

Zergatik? Hori da etxeko txikienen galdera gogokoena. Beren jakin-minak daramatza etengabean galdetzera. Presta zaitez hauen galderei aurre egiteko.

Zer da A Gripea?

Birus berri bat da eta babestu beharra daukagu honen aurrean.

Nola babesten gara?

Badago zikinkeria, ikusten dena, eta zikinkeria, ikusten ez dena. Birusak ikusten ez diren zikinkeria mota bat dira. Horregatik:

• Garbitu behar ditugu eskuak maiz, nahiz eta nahikoa garbiak ikusi.
• Ez ditugu gauza zikinak ukitu behar, eta edonola ere, eskuak garbitu behar ditugu gauza asko ukitu eta gero, hauek itxuraz garbiak irudituta ere.
• Sudurra edo begiak zirikatzeko, bakarrik esku garbiekin egin behar dugu.
• Beti eraman behar ditugu gurekin paperezko musuzapiak eta hauek erabili doministiku edo eztul egiterakoan. Gero, paperontzira bota behar dira ondo tolestuta.

Nola garbitzen ditut ondo eskuak?

• Garbitu itzazu eskuak ur eta xaboiz, gainetik, azpitik, hatzen artean eta eskumuturretaraino. Igurtzi itzazu ondo eskuak bere artean apar asko atera arte.
• Etxean lehortu itzazu eskuak zeure toallarekin, eta kalean beti paperezko eskuoihal batez eta gero hau bota.