Pautas dun bo eco-consumo

• Última actualización: 19 de decembro de 2003

Reduce o consumo de productos que xeran residuos e substitúeos por aqueloutros que poidan ter unha alternativa natural.

Reduce o consumo de enerxía mediante o bo uso dos electrodomésticos: utiliza por exemplo a lavadora sempre coa carga completa.

Reduce o número de envoltorios e embalaxes, seleccionando os productos que mercas, procurando elixir aqueles que menor cantidade de envoltorios e embalaxes teñen.

Reutiliza os continentes evitando adquiri-los de "usar e guindar".

Recicla todo o que non vaias empregar.

Recicla separando os residuos do caldeiro do lixo e utiliza os contedores segundo a súa cor.
Amarelo para envase de plástico, latas e envases brick.
Azul para cartón, papel, xornais e revistas.
Verde, para botellas de vidro, frascos e tarros.

Consellos útiles para a vida cotiá

·Coidado co aceite de motor: Unha lata de aceite usado vertida na auga ocupa a extensión de 4 campos de fútbol.

·Unha pinga que cae constantemente dunha billa mal pechada supón 50 litros de auga ó día.

·Non téña-las portas do frigorífico abertas moito tempo: aumentara-lo gasto de enerxía.

·Non metas alimentos quentes no frigorífico: aumentara-lo gasto de enerxía.

·Aproveita ó máximo a luz solar: aforrarás enerxía.

·Unha ducha no canto dun baño supón gasta-la 3ª parte de auga.

·Comprime as botellas de plástico e os brick: ocuparán menos.

·Limita o uso de deterxentes.

·O plástico dos paquetes de latas ten unha vida de 400 anos.

·As compresas e os cueiros teñen unha vida de 450 anos.

·As botellas de auga teñen unha vida de 450 anos.