Gotzone Artabe Larraskitu

Responsable medioambiental

Dende que puxemos en marcha a campaña “Dobre Aforro” no mes de setembro conseguimos que o 27% dos nosos clientes usen bolsas reutilizables. Un grande éxito, en tan pouco tempo. Isto quere dicir que gran parte da poboación xa estaba concienciada para actuar a favor do Medio, só precisaba as ferramentas axeitadas.

Enrique Segovia

Director de Conservación de WWF España

Iniciativas como a campaña de EROSKI contribúen a concienciar á poboación sobre a necesidade de preservármo-lo noso planeta e promoven cambios nos hábitos de consumo. Pero non debemos esquecer que aínda nos queda moito por facer para reducírmolas emisións dos gases de efecto invernadoiro.

Os organismos implicados na defensa do Medio, as institucións e as empresas socialmente responsables debemos de facilita-los medios ó consumidor para modificar certos hábitos. Eu estou convencido de que, entre todos, aínda estamos a tempo de frear o cambio climático.

Alejandro Martínez Berriochoa

Director de Comunicación de EROSKI

En EROSKI coidamos que manter unha actitude respectuosa co Medio Natural non ten que resultar caro. Poñendo en práctica actitudes sinxelas de consumo responsable todos conseguimos aforrar, e, agora, con esta iniciativa, por partida dobre: gañas ti e gaña o Medio Natural. En EROSKI queremos poñercho doado.

Coa campaña DOBRE AFORRO de EROSKI pola redución de bolsas da compra, aforras 1 céntimo por cada bolsa que non empregues. Reducirás os residuos de plástico que contaminan o Medio Natural, e tamén as emisións de CO2 á atmosfera. Notaralo no peto e nun ambiente máis sostible.

Juan Carlos del Olmo

Secretario Xeral de WWF España

A produción de bolsas de plástico, o emprego desmedido que facemos delas e o seu proceso de reciclaxe é un dos problemas ambientais máis graves que temos as sociedades modernas. Conscientes da súa incidencia no Medio Natural, EROSKI e WWF España quixemos sumar esforzos e achegar o noso gran de area a un mundo máis limpo e respectuoso co noso ambiente, e lanzar esta iniciativa co fin de reducir os residuos de plástico e contribuír a preservar o noso planeta. EROSKI descontará aos seus clientes no tícket da compra as bolsas que non utilicen. É unha iniciativa pioneira que vai dar un forte pulo á popularización de hábitos de consumo máis sostibles.

Raquel Blanco del Río

Socia Consumidora de EROSKI

Como socia consumidora de EROSKI participo habitualmente nos Focos de Consumidores. No Foco sobre medioambiente que se realizou o ano pasado, puiden coñecer o compromiso de EROSKI cos produtos FSC, coas bolsas reutilizables, cos produtores locais ou coa pesca sostible e, sobre todo, puiden achegar ideas e propostas para seguir avanzando neste compromiso coa natureza. Así e todo, cómpre cambiarmos algúns hábitos nas nosas casas, no tempo libre e tamén no traballo para vivirmos nun mundo máis humano. Vin como outras propostas que se realizaron en Focos anteriores, EROSKI púxoas en práctica, polo que espero que continúen a se esforzaren por escoitar os consumidores e respectar o medio natural.

Como dixo unha persoa no Foco, a terra non nos foi herdada polos nosos pais, foinos prestada polos nosos fillos. Paréceme que esta frase resume moi ben a actitude que todos deberiamos ter coa natureza.