Informarte: é a mellor prevención

A Gripe A xa é un tema de conversa habitual entre nós. Os medios de comunicación dannos información actualizada sobre a súa evolución no mundo. Pero, que é a Gripe A?, en que se diferencia da gripe estacional? e, sobre todo, que facer para previla?

Que diferenza hai coa gripe estacional?

Tanto a gripe estacional como a Gripe A son enfermidades epidémicas que se xeran pola combinación de virus. A diferenza está en que a Gripe A é un novo subtipo de virus da gripe fronte ó que, precisamente por ser novo, non estamos inmunizados.

Pódese previr?

Si, pódese previr en parte. Podemos tomar medidas preventivas fronte á Gripe A. Son sinxelas pautas hixiénicas, pero moi importantes para axudar a protexernos.