Un ano de accións solidarias

• Última actualización: 19 de decembro de 2003

A Responsabilidade Social Solidaria de Fundación Grupo Eroski lévase a cabo a través dos Programas de Cooperación Internacional e de Actuación Social.

A través deles entregáronse máis de 170.000 euros destinados a actividades de cooperación internacional de apoio a países desfavorecidos, doáronselles productos téxtiles e xoguetes por valor de máis de 90.000 euros a entidades sociais e concedéronselles máis de 10.000 euros a entidades de integración de discapacitados para a realización de actividades de sensibilización.

Estas son algunhas das actividades máis importantes que se levaron a cabo durante o ano 2002 no campo da solidariedade e a cooperación.

ACCIÓNS SOLIDARIAS DO ANO 2002

Quincena de Comercio Xusto
O obxectivo básico desta campaña é o de informa-los consumidores sobre aqueles aspectos propios que definen o Comercio Xusto: principios nos que se basea, qué tipo de productos se elaboran, condicións de compra e comercialización dos mesmos. Máis de 19.000 consumidores foron informados sobre as características do Comercio Xusto ó longo desta Quincena.

Campaña mundial pola educación.
Aspira a consegui-la educación de tódalas persoas, en particular nenos, mulleres e sectores desfavorecidos da sociedade para o ano 2015. Foron informados máis de 100.000 consumidores.

Campaña Humanitaria a favor de Arxentina.
Recoller e enviar cartos a Arxentina para a compra de alimentos para nenos e nenas das rexións nordeste e noroeste do país, cos que paliar na medida do posible a grave desnutrición debida á crise económica. Nesta Campaña, 25.000 consumidores colaboraron economicamente, e conseguiuse entregarlle finalmente 55.000 euros a Unicef.

Colaboración na Sexta Semana da Solidariedade.
Patrocinio da VI Semana da Solidariedade organizada pola Comunidade de Madrid.

Colaboración na Campaña 'Xuntos por África'.
Distribuíronse e instaláronse en tódolos puntos de venda do Grupo Eroski máis de 2.000 petos, poñéndoos así ó alcance de milleiros de consumidores.

Campaña de Recollida de Alimentos.
Enmarcada dentro do acordo de colaboración existente entre Fundación Grupo Eroski e Fundación Banco de Alimentos de España, destinan tódolos alimentos recollidos a persoas necesitadas.
Nas dúas campañas realizadas ó longo do ano 2002 recolléronse 125.091 quilos de alimentos.

Campaña 'Educación Xa'.
Campaña de recollida e envío de material escolar a escolas de Bolivia.

Máis de 50.000 consumidores entregaron material escolar, o que supuxo 80.000 kits de material escolar que foron entregados a Unicef para o seu envío a Bolivia.