Sexta Campaña pola educación dos nenos e nenas do mundo

• Fecha de publicación: 9 de outubro de 2006

Para 121 millóns de nenos no mundo, na súa maioría nenas, ir á escola é un soño inalcanzable. Por esta razón, Idea Sa EROSKI e UNICEF-Comité Español levan a cabo conxuntamente a sexta campaña de apoio ao dereito á educación en países en desenvolvemento.

En apoio á iniciativa posta en marcha por UNICEF 25 para o 2015, o obxectivo da campaña é conseguir a cantidade de 60.000 euros que se destinarán a adquirir material escolar para nenas de 25 países do Terceiro Mundo, onde o dereito de asistir á escola lles é denegado.

A campaña ten lugar do 1 ao 30 de setembro en todos as tendas de EROSKI. Trátase de poñer á venda calendarios-regras escolares ao prezo de 1euro. Todas as persoas que queiran participar poderán adquirir estes calendarios nas tendas. Unha vez finalizada a iniciativa, a cantidade recadada entregarase integramente a UNICEF para este proxecto. Idea Sa EROSKI apoia de entrada esta iniciativa coa entrega de 25.000 euros á organización humanitaria.

Dereito á educación

Actualmente, máis de 120 millóns de nenos ven denegado o seu dereito a asistir á escola e recibir educación, deles máis da metade son nenas. A educación é vital non só para que os nenos aprendan, senón tamén para que poidan levar unha vida plena e independente. As nenas que non acoden á escola perden oportunidades durante o resto da súa vida. O seu potencial individual diminúe e tórnanse máis vulnerables fronte á pobreza, a explotación e a VIH/SIDA.

UNICEF defende o dereito á educación para todas as nenas. O acceso á educación brinda beneficios a todas as familias, as comunidades e á sociedade enteira. Como parte dun sólido e diverso grupo de aliados, UNICEF é un protagonista importante nas actividades de promoción da educación das nenas en máis de 100 países, para facer realidade a meta da educación para todos.