Adinaren arabera, ondo lo egiteko zenbat ordu behar ditugun badakigu. Eta badakigu lo indarberritzailea izateko, eta atsedenik ezaren ondorio kaltegarriak saihesteko, loaren higiene egokia izan behar dugula. Hau da, ordu horietaz gain, zenbait ohitura eta jarrera bete behar ditugu, hala nola gailuekin lo ez egitea, kirola egitea, baina ez gaueko zortziak baino beranduago, edo aste eta jai egunen arteko ordutegiak elkarren artean oso desberdinak ez izatea. Baina elikadura ere garrantzitsua da. Hurrengo zerrendan ikusiko duzu zer elikagaik lagunduko dizuten lo egiten, eta zerk ez.
Atseden hartzen laguntzen duten elikagaiak
Triptofano, B6 bitamina eta magnesio ugari duten elikagaiek lo egiten laguntzen dute. Hiru substantzia horiek serotoninaren eta melatoninaren sintesia errazten dute.
• Triptofano ugari duten elikagaiak
Giza gorputzak sortzen ez duen funtsezko aminoazido hori modu naturalean agertzen da animalia-jatorriko proteinetan.
- Arrautzak.
- Esnekiak (esnea eta gazta).
- Arrainak.
- Haragia (indioilarra eta oilaskoa).
- Osoko zerealak: arroza, oloa…
- Lekaleak.
- Fruitu lehorrak (intxaurrak, batez ere).
- Platanoa, anana eta aguakatea bezalako frutak.
B6 bitamina ugari duten elikagaiak
Triptofano kantitate txiki bat niazina edo B3 bitamina bihurtzen dute, eta serotonina, lo-patroiak erregulatzen laguntzen dutenak.
- Galorratza.
- Haragia (txerria, hegaztiak).
- Arrautzak.
- Arrainak.
- Lekaleak.
- Intxaurrak.
- Barazkiak.
- Lekaleak.
- Osoko aleen ogiak eta zerealak.
Magnesio ugari duten elikagaiak
Nerbio-sistema lasaitzen laguntzen dute, modu eraginkorragoan funtziona dezan. Muskuluak erlaxatzen laguntzen dute.
- Fruitu lehorrak eta haziak.
- Arrain urdinak: izokina, sardinak…
- Hosto berdeko barazkiak: zerbak, espinakak, brokolia…
Loari kalte egiten dioten elikagaiak
Nerbio-sistema estimulatzen dutenak, metilxantinen (kafea), teobrominaren (txokolatea), teinaren (tea, matea) eta amina biogenoen bidez, hala nola histamina (arrain ketuak, ozpinetakoak) edo tiramina (gazta ondua, hestebeteak, aza, ilarrak), besteak beste.
- Kafea, tea, matea, guarana.
- Kakaoa eta txokolatea.
- Arrain urdinaren kontserbak eta ketuak.
- Landare-produktu hartzituak (chucrut) eta kontserban daudenak.
- Sojaren deribatuak (misoa, tempeh, soja-saltsa, tofua).
- Ozpina.
- Itsaskia.
- Tomatea.
- Espezia minak, piperbeltza esaterako, eta alkohola, oro har (biek gorputzaren tenperatura handitzen dute).
