Muntaketako uztaiak asko erabiltzen dira sukalde profesionalean eta gero eta gehiago etxekoan. Zirkulu-formako bi aldeetatik irekitako moldeak dira, diametro eta altuera desberdinekoak, altzairu herdoilgaitzez, aluminioz edo PVCz eginak. Barruan sartzen diren elikagaiei forma emateko eginkizuna dute.
Urteak dira pastelgintzan hainbat elaboraziotarako erabiltzen direla, bai labean prestatzeko, bai izozki eta mousse hotzetarako. Baina sukalde berriaren iraultzarekin eta gozogintzako dekorazioak errezeta gazietara eta alderantziz pasatzearekin, muga hori igaro zuten tresnetako bat muntaketa-eraztunak izan ziren.
Originaltasun-ukitu bat
Plateraren gune jakin batean osagaiak mugatzean, arintasun itxura ematen du
Uztaiaren erabilgarritasuna da produktua plateraren eremu oso zehatz batean mugatzea. Aurkezpenetan, arintasunaren ikusizko efektua lortzen da. Trikimailuetako bat uztaia zerbitzatzeko unean bertan kentzea da, azken unean. Hala, bada, osagaien zati bat multzo handi bat osatzen duen plater bat aurkezten da, errezetaren eta plateraren konposizioaren barruan. Horrelako molderik erabiliko ez balitz, zaila izango litzateke egitea.
Muntatzeko uztaiak gehien erabiltzen diren prestakinak entsaladak eta entsaladilla hotzak edo epelak izaten dira, barazki-plater erreetan, goarnizioak mugatzeko, mousse eta krema gelatinizatuetan, arrautzadun plateretan eta xafla eta geruza desberdineko plateren eraketan.
Sukaldean, irudimenaren mugak gustu onak, esperientziak eta esperimentazioak ezartzen dituzte. Molde horiek eskaintzen dituzten aurkezpen moduak probatzera animatu behar gara.
