Ostra gainerreak
Prestaketa
Irabiagailu batekin tipulina freskoa edo txalota, baratxuri-hortza (bi zurituak), perrexil-hostoak, pixka bat gustura, eta gatz eta pipera pitin bat ziztatuko ditugu. Gurinarekin nahastu, giro-tenperaturan, eta nahasketa homogeneoa prestatu.
Ostrak ireki, barruan duten likidoa iragazi eta gurin berdearekin nahastu. Jarri gurin berde koilarakada bat ostra bakoitzean, bota cava pixka bat, hautseztatu gazta grueta eta birrindua, eta sartu berotzen den labean 200 ºc-tan eta grill posizioan. Gainazala gainerretzen denean, labetik atera eta berehala zerbitzatzen dugu. Cava-kopatxo batekin edo ardo zuri freskoarekin batera.
Nutrizio-semaforoa
Nutrizio-semaforoa kolorez osaturiko sistema bat da, eta haren bidez argi, erraz eta ondo ulertzen dira nutrizio-balioak.
Errazio batek hau dauka:
| Kaloriak | Gantza | Gantz asea | Azukreak | Gatza |
|---|---|---|---|---|
| 263 | 25g | 13,4g | 1g | 0,6g |
| 13% | 36% | 67% | 1% | 10% |
* heldu baten erreferentziako ahorakinarekiko
- Txikia: erreferentziako ahorakinaren % 10 edo gutxiago
- Ertaina:erreferentziako ahorakinaren % 10 eta % 35 bitartean
- Handia:erreferentziazko ahorakinaren % 35 baino gehiago
Errezetek, gehienetan, erreferentziako ahorakinarekiko ehuneko altuak dituzten osagaiak izaten dituzte (kolore horia eta laranja dira nagusi). Plater horiek bazkari edo afari batean plater nagusi izateko daude pentsatuta; hori dela eta, haien errazio-tamaina handiagoa izaten da, eta mantenugai-kantitatea ere bai.
Horregatik, errezetek eta produktuek ez dauzkate kolore-muga berak. Adibidez, elikagai baten mantenugaiek kolore horia izango dute EAren % 20ra arte, baina otordu nagusitzat jotzen diren errezetek, aldiz, EAren % 35era arte izango dituzte mantenugaiak horiz.
| Kaloriak | Gantza | Gantz asea | Azukreak | Gatza | |
|---|---|---|---|---|---|
| Zer da txikia errazioko | 200 Kcal edo gutxiago | 7 g edo gutxiago | 2 g edo gutxiago | 9 g edo gutxiago | 0,6 g edo gutxiago |
| Zer da ertaina errazioko | 200 Kcal eta 700 Kcal bitartean | 7 g eta 25 g bitartean | 2 g eta 7 g bitartean | 9 g eta 32 g bitartean | 0,6 g eta 2,1 g bitartean |
| Zer da handia errazioko | 700 Kcal edo gehiago | 25 g edo gehiago | 7 g edo gehiago | 32 g edo gehiago | 2,1 g edo gehiago |
| Mantenugaiak | Eguneko Kantitate Orientagarria |
|---|---|
| Kaloriak | 2.000 Kcal |
| Gantza | 70 g |
| Gantz asea | 20 g |
| Azukreak | 90 g |
| Gatza | 6 g |
Erreferentziako ahorakina balioa (erreferentziako ahorakina) dieta osasungarria izateko egunero ahoratu behar ditugun mantenugaiei buruzko eta kaloria-kopuru totalari buruzko gida bat da. Erreferentziako ahorakinarekiko ehunekoak adierazten du errazio batean dagoen mantenugai baten kantitatea zenbat den egunean hartu beharko litzatekeen kantitatearekiko.
Erreferentziako ahorakinarekiko Erreferentziako ahorakina ehunekoak egunean 2.000 kilokaloria ahoratzen dituen emakumezko heldu baten kasurako daude kalkulatuta. Norbanakoen nutrizio-premiak handiagoak edo txikiagoak izan daitezke sexuaren, adinaren, jarduera fisikoaren eta beste faktore batzuen arabera.
Ostrak itsasoaren altxorrtzat hartzen dira, paladarik bortitzenentzako manjara. Organismoarentzat mantenugai garrantzitsuak dira, eta iodo ugari dago. Horrek tiroidearen funtzionamendua laguntzen du, omega 3 gantz-azidoen iturri dira eta bihotzeko gaixotasunak prebenitzen laguntzen du. Erraz xurgatzen den zinka eta burdina ere badute. Bitaminen artean, B12 eta B3 nabarmentzen dira. Garrantzitsua da nabarmentzea ostrek behar dituzten higiene-baldintzei buruzko arreta berezia. Erraz kutsatzen den elikagaia da, eta egoera txarrean egoteak elikadura-toxikazioa eragin dezake. Kontserbazio-neurriak zorroztu behar dira. Errezetan gazta eta gurinarekin gainerreak prestatzen dira, eta horrek kaloziak eta gantz saturatuak gehitzen ditu, baina baita kaltzio, burdina eta magnesio ugari ere. Azken batean, neurrian eta noizean behin jateko errezeta da.
