Merkatuan ohikoenak diren txokolate-motak
Txokolate-hautsa: Kakao-hautsa, irinak eta azukrea nahastea. Edarietarako erabiltzen den kakao disolbagarria da, baina ez gozogintzarako.
Txokolatea estalduran: Gutxienez %30 kakao-gantza du, eta %55, estaldura beltza bada. Oso erabilgarriak dira gozogintzan, moussea, betegarriak eta bonboiak egiteko erabiltzen baitira.
Goiko txokolate beltza:%43 kakaoa du eta %26 inguru kakao-gantza.
Txokolate mikatza:Kakaoaren %60, gutxienez, duelako du zapore mikatza.
Txokolate esneduna, goi mailakoa: % 18 esnez eta% 30 kakaoz osatua.
Txokolate esneduna: Hauek osatzen dute: %14 esnetik datorren koipeki lehorra, %55 sakarosa eta %25 kakaoa, eta ez da egokia gozogintzarako.
Txokolatea hurrekin edo almendrekin: % 20 fruitu lehorra, azukrea, esne osoa edo hautsa, kakao-pasta, kakao-gurina, laktosa, aromak, soja-lezitina eta % 32 kakaoa ditu. Bere horretan kontsumitzen da, ez baitu gozogintzarako balio.
Txokolate zuria: % 14 esnea du, % 20 kakao-gantza, % 55 azukrea eta banilla. Koloratzailerik gabe egiten da, kakao-gurina izan arren kakaorik ez duelako.
Fondant txokolatea: %40 kakao-gantza du eta %40 kakao-pasta.Gozogintzan tartei, bonboiei eta pastelei kanpoko bainua emateko erabiltzen da.
Kontserbatzeko aholkuak
Komeni da txokolatea leku lehor eta freskoetan kontserbatzea, inoiz ez hozkailuan. Txokolate beltza zuria baino gehiago irauten du. Gogoan izan txokolate guztiak beroaren eta hotzaren aurrean sentikorrak direla, eta, beraz, giro neutroa dela egokiena ongi kontserbatzeko.
