Moketak jartzea eta, batez ere, garbitzea prozesu zaila izaten da, lehenik eta behin, altzari guztiak kendu behar izaten baitira haiek jartzeko. Gero, lurzoru horien garbiketa oso gogaikarria izaten da, pilatu eta hauts asko erakartzen baitute.
Baina zikinkeria xurgatzen ez duten material berriak erabiltzeak halako estalduren higienea errazten du.
Merkatuan badira dentsitate handiko materialez egindako moketak, hautsa egituran sartzea galarazten dutenak. Eguzki-izpiekiko erresistentzia handia duten poliamida-zuntzez eginda daude, eta horrek ziurtatzen du jatorrizko koloreak iraun egingo duela, eta garbiketa-produktu erasokorretatik babesten ditu, hala nola lixibatik. Baliteke orban zailak kentzeko erabili behar izatea produktu horiek.
