Metagailu Elektrikoen bidezko Berokuntzaren Fabrikatzaile eta Inportatzaileen Elkarteak (Ficae) datu batzuk argitaratu zituen atzo. Datu horien arabera, bero-metagailu elektrikoak erabiliz gero, urtean 231 euro aurrezten dira familiek gas naturalaren gastuarekiko.
Hala, bero-metagailuak erabilita, %27 aurrezten da; izan ere, urteko energia-gastua 879 euro izango litzateke urtean, eta gas naturala, berriz, 1.110 euro, elkarteak azaldu zuenez. Gainera, instalazioaren kostuetan 450 euro inguruko aldea dago.
“Erabiltzailea, jakin gabe, garestiago ordaintzen ari da gasezko berokuntza bero-metagailu elektrikoak erabiliko balitu baino, nahiz eta bere irudia kontrakoa izan, eta horrek onura bereizgarririk ekarri gabe”, azaldu zuen Ficae, Vicente Callejas presidenteak. Gainera, bero-metagailuen bidezko berokuntzak “aldi berean onurak dakarzkie herrialdeari eta erabiltzaileari”, izan ere, elektrizitatea “gero eta gehiago da Espainiatik, eta gero eta gutxiago kutsatzen da, energia berriztagarriak ugaritu egin direlako”, esan zuen Callejasek.
