Chicco enpresak ohartarazi du arriskutsua izan daitekeela aparatua haurrentzako janariak prestatu eta homogeneizatzeko: Chicco Cocinero Sano Vapor (06560 modeloa, 70601 erreferentzia). Zehazki, pitxerra ontzi-garbigailu batean sartzen bada, pieza txikiak aska daitezke, eta, ondorioz, haurrek irensteko eta itotzeko arriskua dute.
Ohar batean, konpainiak (Madrilen du egoitza Espainian) dio ezen, produktua erabiltzeko jarraibideetan pitxarra ontzi-garbigailuan sar daitekeela adierazten den arren, “egiaztatu dugu detergenteen oldarkortasunak eta garbiketa-sistema horretan tenperatura altuek kalte nabarmena egin diezaieketela materialari, eta pitxerreko piezaren bat aska daitekeela”. Eskuz garbitzen bada, ez da horrelakorik gertatzen.
Chicco Españak artikulu horren erosle guztiei eskatu die ontzi-garbigailuan pitxerra ez erabiltzeko eta enpresarekin harremanetan jartzeko, 900 80 50 55 telefono-zenbakiaren bidez, berri bat inolako kosturik gabe bidaltzeko.
