Pentsioen erreformak 2013. urtean hartuko du indarra, eta 2027an amaituko da, mailaka. Horren arabera, 67 urterekin erretiratzeko, 37 urtez kotizatu beharko da. Halaber, langileak 65 urterekin erretiratzen ahalko dira, 38 urte eta sei hilabete kotizatu badituzte. Gainera, pentsioaren zenbatekoa kalkulatzeko kontuan hartuko diren urteak pixkanaka-pixkanaka handituko dira, oraingo 15etatik 25era. Oro har, langileek geroago hartuko dute erretiroa, eta batez besteko pentsioak %15 inguru murriztuko dira. Hala ere, langile bakoitzak bere kalkuluak egin behar ditu zein prestaziotarako eskubidea duen jakiteko.
Erretiro-pentsioa kalkulatzeko aldagaiak
Datorren urtetik aurrera, erretiro-adina atzeratu egiten da, eta pentsioa kalkulatzeko kontuan hartzen den urte-kopurua handitu. Plan hori Estatuaren kostuak murrizteko eta pentsio-sistemaren porrota saihesteko sortu da. Espainiar gehienen pentsioak murriztuko dira, prestazioa denbora gutxiagoz jasoko baitute (erretiro-adina igotzean) eta diru gutxiago kobratuko baitute hilean (kalkulu-aldia luzatzean, prestazioaren zenbatekoa murriztu egiten da).
Langileek geroago hartuko dute erretiroa, eta batez besteko pentsioak %15 inguru jaitsi dira.
Gizarte Segurantzaren sistema eguneratu, egokitu eta modernizatzeari buruzko 27/2011 Legearen bidez, langileen bizitza aktiboa luzatu eta erretiro aurreratua sustatu nahi da. Hemendik aurrera, eskaera hori 63 urtetik aurrera baino ezin izanen da egin, eta 61 eta 62 urteko langileek ezin izanen dute erretiroa hartu. Erreforma ez da erabat amaituko 2027ra arte. Pixkanaka sartuko da indarrean 2013an.
Hiru aldagai hauek hartu behar dira kontuan erretiro-pentsioa kalkulatzeko:
Gizarte Segurantzan kotizatutako urteak.
Orain arte, oinarri arautzailearen %50 jasotzeko, gutxienez 15 urte kotizatu behar ziren, eta %100erako, guztira 35 urte kotizatu. Pentsioen erreformarekin, oinarri arautzailea kalkulatzeko, azken 25 urte kotizatuetara arte igo da, eta 37 urte kotizatu dira oinarri arautzailearen %100 jasotzeko.
Horrela, langile batek 25 urte edo gehiago kotizatu baditu, prestazioa jasotzeko eskubidea izanen du. Aldiz, denbora gutxiago kotizatu baduzu, ez duzu erretiro-pentsiorik jasotzeko eskubiderik izango.
Erretiroa hartzeko legezko adina .
Erretirorako legezko adina 67 urtera zabaltzen da pixkanaka, 2013tik aurrera. Erreforma 2013. urtean hasi zen 2027. urtera arte, eta 67 urterekin erretiratzeko, pentsioaren %100arekin, 37 urtez kotizatu behar dela ezartzen du. Adinak hilabete bat egingo du ekitaldi bakoitzean 2013tik 2018ra bitartean, eta bi hilabete gehituko da urtean, 2019tik 2027ra bitartean. Urte horretan erretiroa hartzeko adina 67 urtekoa izango da.
Hala ere, langileek 65 urterekin erretiratzen ahalko dira pentsioaren% 100arekin, 38 urte eta erdi baino gehiago kotizatuta badituzte. Horrela, 1948 baino lehen jaiotakoak 65 urterekin erretiratu ahal izango dira, baina hurrengo belaunaldiek erretiratzeko adina atzeratuko dute pixkanaka-pixkanaka.
Taulak langilearen lan kategoriaren arabera .
Enpresak langileak kotizatu beharko du bere kotizazio taldearen gehieneko eta gutxieneko oinarrien artean. Langile bakoitza, bere lanbide kategoriaren arabera, kotizazio talde batekoa da eta talde honi gehieneko eta gutxieneko oinarri bat dagokio. Kotizazio taldeak bi fasetan banatzen dira:
- 1etik 7rako taldeak: hilero kobratzen duten langileak biltzen dituzte. 1. taldea lizentziadunak dira eta 7.a administrari laguntzaileak.
8tik 11ra bitarteko taldeak:
eguneko soldata jasotzen duten langileei dagokie. 8. taldea lehen eta bigarren mailako ofizialak dira eta 11. taldea 18 urtetik beherako langileak.
Pentsioen erreformarekin, urte gehiago lan eginen da eta kalkulu-aldia luzatuko da; beraz, jasoko den prestazioaren zenbatekoa murriztuko da. Adibide praktiko batekin ikus daiteke hori:
1960an, 2027an, jaiotako pertsona batek 67 urte izango ditu. Adin horretan pentsioaren %100arekin erretiratzeko, 37 urte kotizatu behar ditu, hau da, 1990ean hasi behar du lanean, beranduenez. Langileak 40 urte dituenean (2000. urtean), hilean 1.300 euro kotizatzen du, 50 urte bete arte (2010. urtean). Adin horretan, soldata igo eta hilean 1.800 eurotan kotizatzen du erretiroa hartu arte. Zein izango da zure pentsioa?
Pentsioen egungo erreformaren aurretik:
- Langileak 65 urterekin hartuko du erretiroa eta azken 15 urte kotizatuak hartuko dira kontuan.
- Hilean 1.800 euro kobratzen ditu laneko azken 15 urteetan (50 urtetik 65 urtera bitarte).
- 12 hilabete x 15 urte = 180 hilabete azken 15 urteetan
- 14 paga x 15 urte = 210 paga azken 15 urteetan
Pentsioen erreforma berriarekin:
- Langileak 67 urterekin hartuko du erretiroa eta azken 25 urte kotizatuak hartuko ditu kontuan.
- Hilean 1.800 euro kobratzen ditu laneko bizitzaren azken 17 urteetan (50 urtetik 67ra).
- 1.300 euro kobratzen ditu hilean, aurreko 8 urteetan (42 urtetik 50 urtera bitarte).
- azken 17 urteak + aurreko 8 urteak = 25 urte
- 12 hilabete x 17 urte = 204 hilabete azken 17 urteetan
- 12 hilabete x 8 urte = 96 hilabete aurreko 8 urteetan
- 14 paga x 25 urte = 350 paga azken 25 urteetan
1.800 x 180 / 210 = 1.582,86 euro hilean jasoko ditu, 65 urterekin erretiroa hartzen badu.
(1.800 x 204) + (1.300 x 96) / 350 = 1.405,71 euro hilean jasoko ditu pentsioaren erreforma berriarekin 67 urterekin erretiratzen bada.
