Mikrouhinen erabilera zabaldu egin da azken urteotan, eta ezinbesteko etxetresna bihurtu da etxe guztietan. Zuzen erabiltzen da? Nola optimizatu erabilera?
Hainbat aholku oso sinplek zalantza ohikoenak argitzen lagunduko dute, eta mikrouhina merkeagoa, eraginkorragoa eta seguruagoa izatea lortuko dute janaria berotzean.
1. Haragi-pieza handiak berotzeko, komeni da hezurrak kentzea eta potentzia %50ean erabiltzea denbora luzeagoan. Horrela, eremu sakonenak berotu egiten dira, gainazala gehiegi berotu gabe.
2. Janaria ontzi egoki batean banatu eta ur pixka bat gehituz gero, bakterioak desagertu eta egostea uniformea izanen da.
3. Janaria plastikoz estalita dagoenean, ez du ukitu behar.
4. Garrantzitsua da janaria ontzi barruan behin baino gehiagotan mugitzea eta elikagai bat partzialki ez prestatzea.
5. Ez da komeni hegaztien zati osoak prestatzea. Hezurrek eta haragiaren dentsitateak ez dute uzten modu homogeneoan egosten.
6. Elikagaien tenperatura kontrolatzea komeni da. Elikagaiaren zati guztietan probatu behar da, koipea eta hezurra saihestuz. Haragi gorrien tenperatura 80 °C-koa da eta hegaztiena 90 °C-koa.
