Ministroen Kontseiluak batxilergoa arautzen duen errege dekretua onartu du. Dekretu hori 2008/2009 ikasturtean jarriko da indarrean, lehenengo mailan, eta 2009-2010 ikasturtean, bigarren mailan.
Errege dekretu berriak ezartzen duenez, ikasturte osoa gainditzen duten ikasleek bakarrik egin ahal izango dute aurrera edo, gehienez ere, bi irakasgai gainditu gabe uzten dituztenek. Hiru edo lau irakasgai gainditu gabe dituztenek errepikatu ahal izanen dituzte, eta matrikula osatzeko bigarren mailako bi edo hiru irakasgai izanen dituzte. Batxilergoko titulua lortzeko, irakasgai guztiak lau urtean osatu beharko dira gehienez.
Batxilergoak hiru modalitate izango ditu: Arteak, Zientziak eta Teknologia eta Giza eta Gizarte Zientziak. Irakasgai komunei (Gorputz Hezkuntza, Filosofiaren Historia, Espainiako Historia, Gaztelania eta Literatura, Atzerriko Hizkuntza, Hizkuntza koofiziala eta haren literatura, halakorik bada, eta Erlijioa, nahi duten ikasleentzat) beste bi irakasgai gehitu zaizkie: Filosofia eta Herritartasuna eta Mundu Garaikideko Zientziak. Hautazkoak ere egongo dira, ikasleei hurrengo ikasketetarako espezializazioa errazteko.
