Estatu Batuetako bi enpresak (Affymetrix, teknologia horren burua, eta Agilent Technologies lehiakidea) milioi bat dna-zati baino gehiago beirazko plaka fin batean sartzea lortu dute. Aurrerapen horri esker, giza genoma osatzen duten 35.000 geneen jarduera aldi berean aztertu ahal izango da lehen aldiz.
Horrelako gailuei DNA txip deritze, eta 1990eko hamarkadan agertu zirenetik, laborategietan oinarrizko tresna dira gaixotasunei eta zahartzeari lotutako geneak aurkitzeko. Abangoardiako zentro biomediko batzuetan dagoeneko aplikatzen dira paziente baten tumorean zer gene dauden egiaztatzeko. Informazio hori modu esperimentalean erabiltzen da tratamendu pertsonalizatuak diseinatzeko.
Aurkikuntza horrek azterketa-gaitasuna bikoiztu egiten du, eta giza genoma guztia estaltzen du. Komunitate zientifikoak oraindik ezin izan du egiaztatu bi gailuen benetako gaitasuna, baina abantaila teoriko praktikoak eta gizakiaren genoma guztia “DNA txip” bakar batekin aztertzeko aukera sinbolikoa ukaezinak dira.
