Hezkuntza Ministerioak 8,4 milioi euro banatuko ditu autonomia-erkidegoen artean, hezkuntza-arloko desberdintasunak murrizteko jarduketak finantzatzeko programetarako. Halaxe ageri da Hezkuntzako Konferentzia Sektorialean lortutako eta Ministroen Kontseiluak joan den abenduan onartutako akordioan, Estatuko Aldizkari Ofizialean (BOE) argitaratu duenez. Komunitateek 2011rako Estatuak transferitutakoaren kopuru bera erabili beharko dute helburu horietarako.
Diru horrekin, arrakasta izateko aukera gutxiago duten ikasle-taldeentzako programak finantzatu ahal izango dira ikastetxeetan. Halaber, ikastetxeen dotazioak indartu ahal izango dira eskola-bilakaeran desfasea duten ikasleei laguntzeko, eta Administrazioak babesten dituen ikastetxeetatik kanpoko programei laguntza eman ahal izango zaie zailtasunak dituzten ikasleei laguntzeko.
Autonomia-erkidego hartzaileetako hezkuntza-sailek, 2012ko lehen hiruhilekoan, transferitutako funtsen erabilera eta kofinantzatutako jardueren garapena justifikatu beharko dute. Zalantzak argitzeko, batzorde misto paritarioa eratuko da.
Funtsen banaketa 1,8 milioi eurokoa izango da Andaluzian, Aragoin 217.543 euro, Asturiasen, 137.923 euro, Balearretan (244.701 euro), Kanarietan (490.028 euro), Kantabrian (79.595 euro), Gaztela eta Leonen (385.339 euro), Gaztela-Mantxan (442.143 euro), Galizian (44
