Arrautza beteak eta frijituak bexamel eta tomatearekin
Prestaketa
Ontzi batean 8 arrautzak egosi, gatza bota, ez oso handia, eta 10 minutuz irakiten utzi. Ondoren, hozten utzi. Hotz edo epel daudenean, zuritu eta gorde. Arrautzak egosten ditugun bitartean, bexamel bat prestatuko dugu, 3 koilarakada olio, 3 irin eta 4 litro esne dituena. Bexamela gatzarekin, intxaur muskatu pixka batekin eta piperbeltz pixka batekin ondu. Arrautza egosiak erditik zatitu, gorringoak kendu eta plater batean utzi; ernamuin guztiak kendutakoan, sardexka batekin txikitu eta bexamelari gehitu. Buelta batzuk emango dizkiegu bexamelarekin ondo nahas daitezen, eta, ondoren, zopa-koilara batekin arrautzak betetzen joango gara, betetzeko ez ezik, pixka bat gehiago jartzeko ere, eta arrautza osorik egongo balitz bezala emango diogu forma. Arrautza guztiak beteta ditugunean, irabiatu geratzen zaizkigun 2 arrautzak. Arrautza beteak irinarekin, arrautza irabiatuarekin eta ogi birrinduarekin pasatuko ditugu, ordena horretan. Zartagin batean olioa jarri arrautzak frijitzeko, eta olioa oso bero dagoenean, frijitu. Frijitzen ditugun bitartean, jarri tomate-saltsa berotzen. Arrautzak tomate beroaren saltsarekin lagunduko ditugu.
Nutrizio-semaforoa
Nutrizio-semaforoa kolorez osaturiko sistema bat da, eta haren bidez argi, erraz eta ondo ulertzen dira nutrizio-balioak.
Errazio batek hau dauka:
| Kaloriak | Gantza | Gantz asea | Azukreak | Gatza |
|---|---|---|---|---|
| 590 | 30,7g | 8,1g | 8,3g | 1g |
| 29% | 44% | 40% | 9% | 16% |
* heldu baten erreferentziako ahorakinarekiko
- Txikia: erreferentziako ahorakinaren % 10 edo gutxiago
- Ertaina:erreferentziako ahorakinaren % 10 eta % 35 bitartean
- Handia:erreferentziazko ahorakinaren % 35 baino gehiago
Errezetek, gehienetan, erreferentziako ahorakinarekiko ehuneko altuak dituzten osagaiak izaten dituzte (kolore horia eta laranja dira nagusi). Plater horiek bazkari edo afari batean plater nagusi izateko daude pentsatuta; hori dela eta, haien errazio-tamaina handiagoa izaten da, eta mantenugai-kantitatea ere bai.
Horregatik, errezetek eta produktuek ez dauzkate kolore-muga berak. Adibidez, elikagai baten mantenugaiek kolore horia izango dute EAren % 20ra arte, baina otordu nagusitzat jotzen diren errezetek, aldiz, EAren % 35era arte izango dituzte mantenugaiak horiz.
| Kaloriak | Gantza | Gantz asea | Azukreak | Gatza | |
|---|---|---|---|---|---|
| Zer da txikia errazioko | 200 Kcal edo gutxiago | 7 g edo gutxiago | 2 g edo gutxiago | 9 g edo gutxiago | 0,6 g edo gutxiago |
| Zer da ertaina errazioko | 200 Kcal eta 700 Kcal bitartean | 7 g eta 25 g bitartean | 2 g eta 7 g bitartean | 9 g eta 32 g bitartean | 0,6 g eta 2,1 g bitartean |
| Zer da handia errazioko | 700 Kcal edo gehiago | 25 g edo gehiago | 7 g edo gehiago | 32 g edo gehiago | 2,1 g edo gehiago |
| Mantenugaiak | Eguneko Kantitate Orientagarria |
|---|---|
| Kaloriak | 2.000 Kcal |
| Gantza | 70 g |
| Gantz asea | 20 g |
| Azukreak | 90 g |
| Gatza | 6 g |
Erreferentziako ahorakina balioa (erreferentziako ahorakina) dieta osasungarria izateko egunero ahoratu behar ditugun mantenugaiei buruzko eta kaloria-kopuru totalari buruzko gida bat da. Erreferentziako ahorakinarekiko ehunekoak adierazten du errazio batean dagoen mantenugai baten kantitatea zenbat den egunean hartu beharko litzatekeen kantitatearekiko.
Erreferentziako ahorakinarekiko Erreferentziako ahorakina ehunekoak egunean 2.000 kilokaloria ahoratzen dituen emakumezko heldu baten kasurako daude kalkulatuta. Norbanakoen nutrizio-premiak handiagoak edo txikiagoak izan daitezke sexuaren, adinaren, jarduera fisikoaren eta beste faktore batzuen arabera.
Gaur egungo elikadura-ohituren barruan oinarrizkoak diren bi osagai dituen prestakin energetikoa da hau: arrautza (balio biologiko handiko proteinak, koipeak, lezitina, burdina bezalako bitaminak eta mineralak) eta esnea (proteinak, koipeak, kaltzioa eta B2 bitamina). Plateraren
balio kalorikoa, hein handi batean, erabiltzen den sukaldaritzako teknikaren araberakoa da, frijitu egiten baita, eta, ondorioz, jakiak olioa xurgatzen du. Gainera, arrautzaren beraren eta esnearen gantz aseak bexamelaren olioarekin batera gehitzen baditugu, emaitza kilokaloria kopuru handiko errezeta da. Horrexegatik da aproposa energia gehigarria behar duten pertsona guztientzat, hala nola haurrak, nerabeak, bularra ematen ari diren emakumeak eta kirolariak. Arrautza
horiekin batera, entsalada misto on bat edo hornigai begetal bat jar daiteke, eta postreko fruta bat gehitu. Horrela, askotariko jaki orekatua lor daiteke.
- Ácido úrico y gota
- Alergia al pescado
- Anemia ferropenica (falta de hierro)
- Anemia perniciosa (carencia de vitamina B12)
- Anemia por carencia de ácido fólico
- Cálculos renales
- Diabetes mellitus
- Estreñimiento
- Hipertensión arterial
- Meteorismo
- Obesidad o sobrepeso
- Osteoporosis
- Alergia a la caseína
- Alergia al huevo
- Cálculos en la vesícula biliar
- Gastritis
- Hipercolesterolemia
- Hipertrigliceridemia
- Intolerancia a la lactosa
- Intolerancia al gluten (celiaquía)
