Arroza barazkiekin, piperrekin eta bakailaoarekin
Prestaketa
Arrozarentzako barazki-frijitua egiteko kalabazina kubotan moztu, kipula laukitxotan eta piperrak laukitxotan moztu eta haziak kendu. Olioa lapiko batean berotu eta tipula su motelean berotu bost bat minutuz. Kalabazina eta piperrak bota, eta su motelean egosten utzi gorritzen hasi arte. Gehitu tomatea, baratxuri birrindua, eta utzi egosten 30 minutu gehiago. Gatz-puntuan jarri. Gehitu arroza eta utzi barazkiekin sueztitzen. Estali barazki-saldarekin edo urarekin, eta utzi su txikian egosten 15 minutuz. Denbora hori igarotakoan, arrozari bakailao izpitua bota eta egosten utzi 5 minutuz. Lapikoa sutatik atera, eta 5 minutuz eduki agerian. Bero zerbitzatzen dugu.
Nutrizio-semaforoa
Nutrizio-semaforoa kolorez osaturiko sistema bat da, eta haren bidez argi, erraz eta ondo ulertzen dira nutrizio-balioak.
Errazio batek hau dauka:
| Kaloriak | Gantza | Gantz asea | Azukreak | Gatza |
|---|---|---|---|---|
| 423 | 8,1g | 1,3g | 9,9g | 1,4g |
| 21% | 12% | 7% | 11% | 23% |
* heldu baten erreferentziako ahorakinarekiko
- Txikia: erreferentziako ahorakinaren % 10 edo gutxiago
- Ertaina:erreferentziako ahorakinaren % 10 eta % 35 bitartean
- Handia:erreferentziazko ahorakinaren % 35 baino gehiago
Errezetek, gehienetan, erreferentziako ahorakinarekiko ehuneko altuak dituzten osagaiak izaten dituzte (kolore horia eta laranja dira nagusi). Plater horiek bazkari edo afari batean plater nagusi izateko daude pentsatuta; hori dela eta, haien errazio-tamaina handiagoa izaten da, eta mantenugai-kantitatea ere bai.
Horregatik, errezetek eta produktuek ez dauzkate kolore-muga berak. Adibidez, elikagai baten mantenugaiek kolore horia izango dute EAren % 20ra arte, baina otordu nagusitzat jotzen diren errezetek, aldiz, EAren % 35era arte izango dituzte mantenugaiak horiz.
| Kaloriak | Gantza | Gantz asea | Azukreak | Gatza | |
|---|---|---|---|---|---|
| Zer da txikia errazioko | 200 Kcal edo gutxiago | 7 g edo gutxiago | 2 g edo gutxiago | 9 g edo gutxiago | 0,6 g edo gutxiago |
| Zer da ertaina errazioko | 200 Kcal eta 700 Kcal bitartean | 7 g eta 25 g bitartean | 2 g eta 7 g bitartean | 9 g eta 32 g bitartean | 0,6 g eta 2,1 g bitartean |
| Zer da handia errazioko | 700 Kcal edo gehiago | 25 g edo gehiago | 7 g edo gehiago | 32 g edo gehiago | 2,1 g edo gehiago |
| Mantenugaiak | Eguneko Kantitate Orientagarria |
|---|---|
| Kaloriak | 2.000 Kcal |
| Gantza | 70 g |
| Gantz asea | 20 g |
| Azukreak | 90 g |
| Gatza | 6 g |
Erreferentziako ahorakina balioa (erreferentziako ahorakina) dieta osasungarria izateko egunero ahoratu behar ditugun mantenugaiei buruzko eta kaloria-kopuru totalari buruzko gida bat da. Erreferentziako ahorakinarekiko ehunekoak adierazten du errazio batean dagoen mantenugai baten kantitatea zenbat den egunean hartu beharko litzatekeen kantitatearekiko.
Erreferentziako ahorakinarekiko Erreferentziako ahorakina ehunekoak egunean 2.000 kilokaloria ahoratzen dituen emakumezko heldu baten kasurako daude kalkulatuta. Norbanakoen nutrizio-premiak handiagoak edo txikiagoak izan daitezke sexuaren, adinaren, jarduera fisikoaren eta beste faktore batzuen arabera.
Arroza Mediterraneoko dietako oinarrizko elikagaietako bat da. Karbohidratoak dira elikagai ugarienak. Arrozak koipe gutxi du, eta hori abantaila handia da, mantenugai horren kontsumoa murrizteko egungo gomendioak direla eta. Kontuan hartu behar da idorreria-arazoak dituzten pertsonengan murriztu beharreko elikagaia dela hau. Kasu honetan, arroza barazkiekin batera dator, eta, beraz, plateraren zuntz-edukia nabarmen handitzen da.
Arrozarekin batera datorren bakailaoak balio biologiko handiko proteinak ematen ditu; gainera, koipe gutxi du eta platerari zapore ukitu interesgarria ematen dio. Errezeta hau hainbat barazki-motarekin osatuz gero, plater osatua dela esan daiteke; izan ere, barazkiek mineralak, bitaminak eta eragin antioxidatzailea duten substantziak ematen dituzte, hala nola tomatearen likopenoa, guztiak gure organismoaren babes-funtzio interesgarriekin.
Aukera ona da urteko edozein garaitan plater berezi, elikagarri eta zaporetsuaz gozatzeko. Gainera, arrozarekin batera arraina eta barazkiak jatean, txikienen artean elikagai horiek kontsumitzea sustatzen da; izan ere, horrela kozinatuz gero, errazago jaten dira barazki-plater egosi gisa edo arrain-xerra gisa aurkezten badira baino.
- Ácido úrico y gota
- Alergia a la caseína
- Alergia al huevo
- Anemia ferropenica (falta de hierro)
- Anemia perniciosa (carencia de vitamina B12)
- Anemia por carencia de ácido fólico
- Cálculos en la vesícula biliar
- Cálculos renales
- Diabetes mellitus
- Gastritis
- Hipercolesterolemia
- Hipertrigliceridemia
- Intolerancia a la lactosa
- Intolerancia al gluten (celiaquía)
- Meteorismo
- Obesidad o sobrepeso
- Osteoporosis
- Alergia al pescado
- Estreñimiento
- Hipertensión arterial
