Arroza labean bexamelarekin
Prestaketa
Jarri su ertainean gurina, eta, urtu ondoren, gehitu irina, etengabe biratuz nahasketa homogeneoa lortu arte. Bota esnea eta etengabe eragin, nahasketa loditu arte. Gatz-puntuan jarri. Labean sartuko den molde batean, platera muntatuko dugu, ondoren azaltzen den bezala. Moldearen oinarrian, bexamel saltsaren geruza bat jarri, gero arroz zuriaren, oilasko-bularki egosia tiritatan eta gazta parmesano birrindua. Estali geruza hori gazta zuri txikituarekin eta, berriro ere, gazta parmesano birrinduarekin eta bexamel saltsarekin. Arroz-geruza, gaztak eta bexamela errepikatu, behin edo bitan, prestatu nahi dugun kantitatearen edo moldearen tamainaren arabera, eta gazta parmesanozko geruza batekin amaitu. Estali moldea edo estali aluminiozko paperarekin eta sartu labean 25 minutuz 180 °C-tan. Urre-kolorea eman ondoren, moldearen goiko zatia atera, epeltzen utzi eta platera geruzatan aurkeztuz zerbitzatuko dugu. Tomate-saltsa beroarekin lagundu daiteke.
Nutrizio-semaforoa
Nutrizio-semaforoa kolorez osaturiko sistema bat da, eta haren bidez argi, erraz eta ondo ulertzen dira nutrizio-balioak.
Errazio batek hau dauka:
| Kaloriak | Gantza | Gantz asea | Azukreak | Gatza |
|---|---|---|---|---|
| 578 | 21,6g | 11,4g | 7g | 0,8g |
| 29% | 31% | 57% | 8% | 13% |
* heldu baten erreferentziako ahorakinarekiko
- Txikia: erreferentziako ahorakinaren % 10 edo gutxiago
- Ertaina:erreferentziako ahorakinaren % 10 eta % 35 bitartean
- Handia:erreferentziazko ahorakinaren % 35 baino gehiago
Errezetek, gehienetan, erreferentziako ahorakinarekiko ehuneko altuak dituzten osagaiak izaten dituzte (kolore horia eta laranja dira nagusi). Plater horiek bazkari edo afari batean plater nagusi izateko daude pentsatuta; hori dela eta, haien errazio-tamaina handiagoa izaten da, eta mantenugai-kantitatea ere bai.
Horregatik, errezetek eta produktuek ez dauzkate kolore-muga berak. Adibidez, elikagai baten mantenugaiek kolore horia izango dute EAren % 20ra arte, baina otordu nagusitzat jotzen diren errezetek, aldiz, EAren % 35era arte izango dituzte mantenugaiak horiz.
| Kaloriak | Gantza | Gantz asea | Azukreak | Gatza | |
|---|---|---|---|---|---|
| Zer da txikia errazioko | 200 Kcal edo gutxiago | 7 g edo gutxiago | 2 g edo gutxiago | 9 g edo gutxiago | 0,6 g edo gutxiago |
| Zer da ertaina errazioko | 200 Kcal eta 700 Kcal bitartean | 7 g eta 25 g bitartean | 2 g eta 7 g bitartean | 9 g eta 32 g bitartean | 0,6 g eta 2,1 g bitartean |
| Zer da handia errazioko | 700 Kcal edo gehiago | 25 g edo gehiago | 7 g edo gehiago | 32 g edo gehiago | 2,1 g edo gehiago |
| Mantenugaiak | Eguneko Kantitate Orientagarria |
|---|---|
| Kaloriak | 2.000 Kcal |
| Gantza | 70 g |
| Gantz asea | 20 g |
| Azukreak | 90 g |
| Gatza | 6 g |
Erreferentziako ahorakina balioa (erreferentziako ahorakina) dieta osasungarria izateko egunero ahoratu behar ditugun mantenugaiei buruzko eta kaloria-kopuru totalari buruzko gida bat da. Erreferentziako ahorakinarekiko ehunekoak adierazten du errazio batean dagoen mantenugai baten kantitatea zenbat den egunean hartu beharko litzatekeen kantitatearekiko.
Erreferentziako ahorakinarekiko Erreferentziako ahorakina ehunekoak egunean 2.000 kilokaloria ahoratzen dituen emakumezko heldu baten kasurako daude kalkulatuta. Norbanakoen nutrizio-premiak handiagoak edo txikiagoak izan daitezke sexuaren, adinaren, jarduera fisikoaren eta beste faktore batzuen arabera.
Errezeta honetan osagaiak konbinatuz gero, plater osoa dela esan daiteke; beraz, askotariko entsaladarekin batera, menu elikagarria eta erakargarria lortzen dira.
Arroza hainbat prestakinetara egokitzen da, mota guztietako elikagaiekin ondo konbinatzen baita. Energia-iturri diren karbohidrato konplexuek osatzen dute nagusiki, eta, beraz, oso elikagai gomendagarria da higadura handiko egoeretan, dela lanean, dela ariketa fisikoa egitean.
Zeliakoek jan dezaketen zereal bakarretakoa da, ez baitu glutenik. Idorreria izanez gero, komeni da arrozik ez hartzea edo barazkiekin laguntzea, elikagai horren zuntz-gabezia arintzeko.
Oilaskoak eta gaztak proteinak ematen dituzte, errezetaren nutrizio-balioa osatzeko. Oilaskoa koipe gutxiko elikagaia da eta bere proteina erraz digestioa egiten da. Horregatik, urdail delikatua duten pertsonentzat haragia da egokiena.
Kaltzio gehien duen esnekia da gazta. Horri esker, egokia da hezur-osasun ona izateko, osteoporosia prebenituz.
Bexamel saltsak lagundu egiten du ahal bada jaki erakargarriago hori egiten, zapore finarekin. Jakintsu guztien gustukoa izango da.
- Ácido úrico y gota
- Alergia al huevo
- Alergia al pescado
- Anemia ferropenica (falta de hierro)
- Anemia perniciosa (carencia de vitamina B12)
- Anemia por carencia de ácido fólico
- Cálculos renales
- Diabetes mellitus
- Estreñimiento
- Hipertensión arterial
- Osteoporosis
- Alergia a la caseína
- Cálculos en la vesícula biliar
- Gastritis
- Hipercolesterolemia
- Hipertrigliceridemia
- Intolerancia a la lactosa
- Intolerancia al gluten (celiaquía)
- Meteorismo
- Obesidad o sobrepeso
