Fruta-pastela esne-kremarekin
Prestaketa
22 cm-ko diametroko molde biribil bat koipeztatuko dugu. Jarri labeko paperaren hondoan, eta koipeztatu berriro lehortutako gurinarekin. Bizkotxorako: Irabiatu arrautzak eta gehitu azukrea pixkanaka-pixkanaka, nahasketa harroa eta hori argia lortu arte, hasierako bolumena baino 2 aldiz handiagoa izan behar du. Eskuz, hau da, irabiagailuaren laguntzarik gabe, irin integrala gehitu behar dugu, euri modura, banillarekin batera; inguratuz nahastu. Bota nahasketa eta laberatu 180 °C-tan 25 bat minutuz. Labetik atera, moldetik atera eta hozten utzi. Moztu 3 geruzatan zerra-labana batekin. Jarri lehenengo bizkotxo-geruza plater handi baten gainean. Esnegain harrotuz estali, eta frutaren erdia jarri, hurrengo bizkotxo-geruza jarri eta eragiketa errepikatu. Jarri azken bizkotxo-geruza eta estali esne gain harrotuarekin. Jarri intxaur puskatua hormetan, eta apaindu gainazala gainerako frutekin.
Nutrizio-semaforoa
Nutrizio-semaforoa kolorez osaturiko sistema bat da, eta haren bidez argi, erraz eta ondo ulertzen dira nutrizio-balioak.
Errazio batek hau dauka:
| Kaloriak | Gantza | Gantz asea | Azukreak | Gatza |
|---|---|---|---|---|
| 422 | 21,5g | 8,6g | 33,9g | 0,1g |
| 21% | 31% | 43% | 38% | 1% |
* heldu baten erreferentziako ahorakinarekiko
- Txikia: erreferentziako ahorakinaren % 10 edo gutxiago
- Ertaina:erreferentziako ahorakinaren % 10 eta % 35 bitartean
- Handia:erreferentziazko ahorakinaren % 35 baino gehiago
Errezetek, gehienetan, erreferentziako ahorakinarekiko ehuneko altuak dituzten osagaiak izaten dituzte (kolore horia eta laranja dira nagusi). Plater horiek bazkari edo afari batean plater nagusi izateko daude pentsatuta; hori dela eta, haien errazio-tamaina handiagoa izaten da, eta mantenugai-kantitatea ere bai.
Horregatik, errezetek eta produktuek ez dauzkate kolore-muga berak. Adibidez, elikagai baten mantenugaiek kolore horia izango dute EAren % 20ra arte, baina otordu nagusitzat jotzen diren errezetek, aldiz, EAren % 35era arte izango dituzte mantenugaiak horiz.
| Kaloriak | Gantza | Gantz asea | Azukreak | Gatza | |
|---|---|---|---|---|---|
| Zer da txikia errazioko | 200 Kcal edo gutxiago | 7 g edo gutxiago | 2 g edo gutxiago | 9 g edo gutxiago | 0,6 g edo gutxiago |
| Zer da ertaina errazioko | 200 Kcal eta 700 Kcal bitartean | 7 g eta 25 g bitartean | 2 g eta 7 g bitartean | 9 g eta 32 g bitartean | 0,6 g eta 2,1 g bitartean |
| Zer da handia errazioko | 700 Kcal edo gehiago | 25 g edo gehiago | 7 g edo gehiago | 32 g edo gehiago | 2,1 g edo gehiago |
| Mantenugaiak | Eguneko Kantitate Orientagarria |
|---|---|
| Kaloriak | 2.000 Kcal |
| Gantza | 70 g |
| Gantz asea | 20 g |
| Azukreak | 90 g |
| Gatza | 6 g |
Erreferentziako ahorakina balioa (erreferentziako ahorakina) dieta osasungarria izateko egunero ahoratu behar ditugun mantenugaiei buruzko eta kaloria-kopuru totalari buruzko gida bat da. Erreferentziako ahorakinarekiko ehunekoak adierazten du errazio batean dagoen mantenugai baten kantitatea zenbat den egunean hartu beharko litzatekeen kantitatearekiko.
Erreferentziako ahorakinarekiko Erreferentziako ahorakina ehunekoak egunean 2.000 kilokaloria ahoratzen dituen emakumezko heldu baten kasurako daude kalkulatuta. Norbanakoen nutrizio-premiak handiagoak edo txikiagoak izan daitezke sexuaren, adinaren, jarduera fisikoaren eta beste faktore batzuen arabera.
Frutak hainbat errezetatan erabil daitezke. Errezeta horiek koloretsuak dira eta osasunarentzat onuragarriak diren substantziekin aberasten dira; adibidez, tarta zoragarri hau, dietan fruta gehiago izateko modu gozoa baita. Hala ere, kontuan hartu behar da erabiltzen diren osagaietako batzuek nabarmen handitzen dutela tartaren balio kalorikoa, eta, beraz, argaltzeko dietak egiten badira, ez dela komeni jatea. Esnegaina, esaterako, gantz-kantitate handia ematen duen elikagaia da, bereziki saturatua. Hori dela eta, elikagai hori saihestu egin behar da hiperkolesterolemia izanez gero. Bizkotxoak irinaren eta azukrearen karbohidratoak eta balio biologiko handiko proteinak ematen ditu, arrautzetatik datozenak. Diabetea izanez gero, komeni da postre hori neurriz hartzea, azukre asko erabiltzen baita. Frutek, besteak beste, idorreria ekiditen, kolesterolaren xurgapena murrizten eta diabetea bezalako gaixotasunen kontrola hobetzen laguntzen duen zuntzaren presentzia ziurtatzen dute. Gainera, kiwien eta marrubien C bitamina eta antzeko bitamina-iturri dira. Intxaurrek duten gantz asegabeak gaixotasun kardiobaskularren aurkako babesa ematen du, odoleko kolesterol-maila murrizten laguntzen baitu. Tarta hau bezain gozoak diren postreak dieta orekatu baten parte izan daitezke, baldin eta noizbehinka eta neurriz kontsumitzen badira.
- Ácido úrico y gota
- Alergia al pescado
- Anemia ferropenica (falta de hierro)
- Anemia perniciosa (carencia de vitamina B12)
- Anemia por carencia de ácido fólico
- Estreñimiento
- Hipertensión arterial
- Meteorismo
- Alergia a la caseína
- Alergia al huevo
- Cálculos en la vesícula biliar
- Cálculos renales
- Diabetes mellitus
- Gastritis
- Hipercolesterolemia
- Hipertrigliceridemia
- Intolerancia a la lactosa
- Intolerancia al gluten (celiaquía)
- Obesidad o sobrepeso
- Osteoporosis
