Indioilarra frutaz betea
Prestaketa
Gozatu indioilarra gatzarekin, piperbeltzarekin eta, xiringa batekin, injektatu likorea haragiaren hainbat zatitan, eta nahastu azala 6 koilarakada oliba-oliotan. Betetzeko, gainerako oliba-olioa zartagin batean berotu, eta kipula eta piper berdea laukitxotan moztu, sutatik kendu eta gainerako osagaiak gehitu (mahaspasak, hezurrik gabeko aranak, intxaur xehatuak eta sagar zatitua, esnetan bustitako ogiarekin eta perrexil xehatuarekin batera, hori guztia gatz-puntuan jarrita). Nahasketa honekin beteko dugu indioilarra, eta 150 ºC-tan dagoen labean egingo dugu bi orduz, noizean behin bere zukuekin edo ur pixka batekin eta ardo zuriarekin ureztatuz, gehiegi ez lehortzeko.
Nutrizio-semaforoa
Nutrizio-semaforoa kolorez osaturiko sistema bat da, eta haren bidez argi, erraz eta ondo ulertzen dira nutrizio-balioak.
Errazio batek hau dauka:
| Kaloriak | Gantza | Gantz asea | Azukreak | Gatza |
|---|---|---|---|---|
| 572 | 29g | 4,9g | 23,7g | 0,6g |
| 29% | 41% | 25% | 26% | 11% |
* heldu baten erreferentziako ahorakinarekiko
- Txikia: erreferentziako ahorakinaren % 10 edo gutxiago
- Ertaina:erreferentziako ahorakinaren % 10 eta % 35 bitartean
- Handia:erreferentziazko ahorakinaren % 35 baino gehiago
Errezetek, gehienetan, erreferentziako ahorakinarekiko ehuneko altuak dituzten osagaiak izaten dituzte (kolore horia eta laranja dira nagusi). Plater horiek bazkari edo afari batean plater nagusi izateko daude pentsatuta; hori dela eta, haien errazio-tamaina handiagoa izaten da, eta mantenugai-kantitatea ere bai.
Horregatik, errezetek eta produktuek ez dauzkate kolore-muga berak. Adibidez, elikagai baten mantenugaiek kolore horia izango dute EAren % 20ra arte, baina otordu nagusitzat jotzen diren errezetek, aldiz, EAren % 35era arte izango dituzte mantenugaiak horiz.
| Kaloriak | Gantza | Gantz asea | Azukreak | Gatza | |
|---|---|---|---|---|---|
| Zer da txikia errazioko | 200 Kcal edo gutxiago | 7 g edo gutxiago | 2 g edo gutxiago | 9 g edo gutxiago | 0,6 g edo gutxiago |
| Zer da ertaina errazioko | 200 Kcal eta 700 Kcal bitartean | 7 g eta 25 g bitartean | 2 g eta 7 g bitartean | 9 g eta 32 g bitartean | 0,6 g eta 2,1 g bitartean |
| Zer da handia errazioko | 700 Kcal edo gehiago | 25 g edo gehiago | 7 g edo gehiago | 32 g edo gehiago | 2,1 g edo gehiago |
| Mantenugaiak | Eguneko Kantitate Orientagarria |
|---|---|
| Kaloriak | 2.000 Kcal |
| Gantza | 70 g |
| Gantz asea | 20 g |
| Azukreak | 90 g |
| Gatza | 6 g |
Erreferentziako ahorakina balioa (erreferentziako ahorakina) dieta osasungarria izateko egunero ahoratu behar ditugun mantenugaiei buruzko eta kaloria-kopuru totalari buruzko gida bat da. Erreferentziako ahorakinarekiko ehunekoak adierazten du errazio batean dagoen mantenugai baten kantitatea zenbat den egunean hartu beharko litzatekeen kantitatearekiko.
Erreferentziako ahorakinarekiko Erreferentziako ahorakina ehunekoak egunean 2.000 kilokaloria ahoratzen dituen emakumezko heldu baten kasurako daude kalkulatuta. Norbanakoen nutrizio-premiak handiagoak edo txikiagoak izan daitezke sexuaren, adinaren, jarduera fisikoaren eta beste faktore batzuen arabera.
Indioilarra, oilaskoarekin batera, haragi gihartsuenetako bat da, betiere azalik gabe jaten bada. Gero eta indioilar-haragi gehiago kontsumitzen da, gisatuen eta oilasko-gisatuen ordez. Kalitatezko proteinak, erraz xurgatzen den burdina eta B taldeko bitaminak ditu plater honek. Zapore leuneko haragia denez, oso ondo konbinatzen du platera bitamina, mineral eta zuntzez aberasten duten era guztietako barazkiekin. Errezeta hau
egiteko sukaldean praktika pixka bat egin behar den arren, merezi du osagaiek eskaintzen dituzten zaporeen kontrastea dastatzea; izan ere, fruta lehortuak, fruitu lehorrak eta haragia konbinatuz gero, jaki goxoa lortzen da.
Fruitu lehorrak osagarri ezin hobeak dira haragizko plateretarako. Kaloria eta azukre gehiegi ematen dituztenez, bereziki egokiak dira iraupen luzeko kirolak edo esfortzu handiak egiten direnean, nahiz eta horregatik ez diren egokiak diabetikoentzat. Zuntz disolbagarria duenez, gomendagarriak dira idorreria tratatzeko. Mineralen artean, potasioa nabarmentzen da, giltzurrun-gutxiegitasuna izanez gero kontraindikatua baitago. Intxaurrek, fruitu lehor
diren aldetik, "bihotzerako osasungarria" den koipea ematen dute, baita bitaminak eta antioxidatzaileak ere.
Sagarrak ukitu garratz samarra ematen dio errezetari, eta fruta hori kontsumitzeak dakartzan onura guztiak aprobetxa ditzakegu. Heste-erreguladore fantastikoa da, idorreria edo beherakoa dagoenean har baitaiteke. Zurituta eta birrindua irensten bada, egokia da beherako ebakitzeko ahalmen lehorgarria duelako. Gordinik eta azalarekin, berriz, idorreriari aurre egiteko arma eraginkorra da. Okela zuriak egokiak dira urdaileko minak dituzten pertsonentzat digestio erraza dutelako,
baina errezeta landuago horiek astunak izan daitezke, eta, beraz, hobe da horiek saihestea.
- Ácido úrico y gota
- Alergia al huevo
- Alergia al pescado
- Anemia ferropenica (falta de hierro)
- Anemia perniciosa (carencia de vitamina B12)
- Anemia por carencia de ácido fólico
- Cálculos renales
- Diabetes mellitus
- Estreñimiento
- Gastritis
- Hipercolesterolemia
- Hipertensión arterial
- Hipertrigliceridemia
- Meteorismo
- Obesidad o sobrepeso
- Osteoporosis
- Alergia a la caseína
- Cálculos en la vesícula biliar
- Intolerancia a la lactosa
- Intolerancia al gluten (celiaquía)
