Oilasko-bularkiak sagar-purearekin
Prestaketa
Zuritu eta moztu sagarrak xerratan, pipitak kenduz. Horiei limoi-zuku koilarakada bat gehitu, ez oxidatzeko. Horrela, zuri geldituko dira. Sagar-zatiak lapiko batean sartu, ur pixka batekin estali gabe, lurrunetan prestatzeko. Estali lapikoa eta utzi 20 minutuz su ertainean prestatzen. Noizean behin, egosten ari garela, kendu lapikoa, ura lurrundu ez dela egiaztatzeko. Beharrezkoa izanez gero, pixka bat gehiago gehituko da. Azken unean, kazola estali egiten da egosketa-ur guztia lurruntzeko, baina sagarrak ez direla erretzen zaintzen da. Egosi ondoren, lurrindutako egosketa-likidoarekin, puregailu batean jarri eta bahetu, trinkotasun krematsuko purea gera dadin. Purea lortu ondoren, lapiko batean jarri, su baxuan, eta nahi den ukitua eman. Ukitu gazi txiki bat da, eta haragi-zukuarekin, gatz apur batekin eta oliba-olio gordinarekin lortzen da. Irabiagailu batekin purea leunago geratuko dela pentsa liteke. Neurri batean egia da, baina bahetzearekin lortu nahi dena ez da leuna geratzea, lodia baizik, forma, gorputz eta trinkotasun bat izan dezan, plateraren elementu apaingarri gisa erabili ahal izateko. Horregatik erabiltzen da puregailua. Zartagin itsasgaitz batean edo sukaldeko xafla batean, su bizian eta olio pixka batekin, buelta eta buelta eman oilasko-bularkiaren xerrak, eta gatz-puntuan jarri, kozinatuta daudenean. Bularkiak egin eta berehala zerbitzatzen ditugu, sagar-purearekin batera.
Nutrizio-semaforoa
Nutrizio-semaforoa kolorez osaturiko sistema bat da, eta haren bidez argi, erraz eta ondo ulertzen dira nutrizio-balioak.
Errazio batek hau dauka:
| Kaloriak | Gantza | Gantz asea | Azukreak | Gatza |
|---|---|---|---|---|
| 391 | 24,2g | 4,5g | 8,8g | 1g |
| 20% | 35% | 22% | 10% | 17% |
* heldu baten erreferentziako ahorakinarekiko
- Txikia: erreferentziako ahorakinaren % 10 edo gutxiago
- Ertaina:erreferentziako ahorakinaren % 10 eta % 35 bitartean
- Handia:erreferentziazko ahorakinaren % 35 baino gehiago
Errezetek, gehienetan, erreferentziako ahorakinarekiko ehuneko altuak dituzten osagaiak izaten dituzte (kolore horia eta laranja dira nagusi). Plater horiek bazkari edo afari batean plater nagusi izateko daude pentsatuta; hori dela eta, haien errazio-tamaina handiagoa izaten da, eta mantenugai-kantitatea ere bai.
Horregatik, errezetek eta produktuek ez dauzkate kolore-muga berak. Adibidez, elikagai baten mantenugaiek kolore horia izango dute EAren % 20ra arte, baina otordu nagusitzat jotzen diren errezetek, aldiz, EAren % 35era arte izango dituzte mantenugaiak horiz.
| Kaloriak | Gantza | Gantz asea | Azukreak | Gatza | |
|---|---|---|---|---|---|
| Zer da txikia errazioko | 200 Kcal edo gutxiago | 7 g edo gutxiago | 2 g edo gutxiago | 9 g edo gutxiago | 0,6 g edo gutxiago |
| Zer da ertaina errazioko | 200 Kcal eta 700 Kcal bitartean | 7 g eta 25 g bitartean | 2 g eta 7 g bitartean | 9 g eta 32 g bitartean | 0,6 g eta 2,1 g bitartean |
| Zer da handia errazioko | 700 Kcal edo gehiago | 25 g edo gehiago | 7 g edo gehiago | 32 g edo gehiago | 2,1 g edo gehiago |
| Mantenugaiak | Eguneko Kantitate Orientagarria |
|---|---|
| Kaloriak | 2.000 Kcal |
| Gantza | 70 g |
| Gantz asea | 20 g |
| Azukreak | 90 g |
| Gatza | 6 g |
Erreferentziako ahorakina balioa (erreferentziako ahorakina) dieta osasungarria izateko egunero ahoratu behar ditugun mantenugaiei buruzko eta kaloria-kopuru totalari buruzko gida bat da. Erreferentziako ahorakinarekiko ehunekoak adierazten du errazio batean dagoen mantenugai baten kantitatea zenbat den egunean hartu beharko litzatekeen kantitatearekiko.
Erreferentziako ahorakinarekiko Erreferentziako ahorakina ehunekoak egunean 2.000 kilokaloria ahoratzen dituen emakumezko heldu baten kasurako daude kalkulatuta. Norbanakoen nutrizio-premiak handiagoak edo txikiagoak izan daitezke sexuaren, adinaren, jarduera fisikoaren eta beste faktore batzuen arabera.
Oilaskoak zapore eta testura oso leunak ditu, eta gehien kontsumitzen den hegaztietako bat da. Kalitate oneko proteina-iturri ona da eta gantz-edukia nahiko txikia du. Kasu horretan, oilasko-bularkiak sagar-purearekin prestatuko dira. Purearen zaporea eta oilaskoarena oso ondo konbinatzen dira, eta, beraz, plater honetarako osagarri ezin hobea da. Lurrunetan egositako sagarrak baino ez dira erabiltzen, eta, beraz, purea bitamina- eta mineral-iturri ona izango da, eta kaloria gutxi izango ditu.
- Ácido úrico y gota
- Alergia a la caseína
- Alergia al huevo
- Alergia al pescado
- Anemia ferropenica (falta de hierro)
- Anemia perniciosa (carencia de vitamina B12)
- Anemia por carencia de ácido fólico
- Cálculos en la vesícula biliar
- Cálculos renales
- Diabetes mellitus
- Estreñimiento
- Gastritis
- Hipercolesterolemia
- Hipertensión arterial
- Hipertrigliceridemia
- Intolerancia a la lactosa
- Intolerancia al gluten (celiaquía)
- Meteorismo
- Obesidad o sobrepeso
- Osteoporosis
