Pizza urdaiazpiko egosi eta orburuekin
Prestaketa
Pizza-orea egiteko, lehenik gatza eta irina nahastu. Bestalde, legamia ur epelean disolbatzen dugu bi koilarakada oliba-olio birjinekin. Ondoren, entsalada-motako ontzi batean edo bol handi batean, gehitu irina eta pixkanaka-pixkanaka ur epela, itsasten ez den masa trinko eta elastiko bat osatu arte. Orea egin ondoren, bola-forma eman, eta trapu heze batekin tapatuta utzi, tamaina bikoiztu arte. Bola berriro oratuko dugu eta pixkanaka zabaltzen joango gara, gutxi gorabehera zentimetro bateko lodiera duen plater baten itxura emanez. Olioz igurtzitako oinarri metaliko batean jarri, ez itsasteko, eta 10 minutuz laberatu, 200 °C-tan. Pizza-orea pixka bat prestatu ondoren, labetik atera eta gainean tomate frijituaren oinarria jarriko dugu. Tipula minuta moztua, urdaiazpikoa puska txikitan ebakia eta kontserbako orburu xukatuak gehitu, erdibituta. Apaindu pizza gazta birrinduarekin, eta prestatu 15 minutuz aurrez berotutako labean, 200 °C-an.
Nutrizio-semaforoa
Nutrizio-semaforoa kolorez osaturiko sistema bat da, eta haren bidez argi, erraz eta ondo ulertzen dira nutrizio-balioak.
Errazio batek hau dauka:
| Kaloriak | Gantza | Gantz asea | Azukreak | Gatza |
|---|---|---|---|---|
| 298 | 9,6g | 3g | 4,6g | 0,8g |
| 15% | 14% | 15% | 5% | 13% |
* heldu baten erreferentziako ahorakinarekiko
- Txikia: erreferentziako ahorakinaren % 10 edo gutxiago
- Ertaina:erreferentziako ahorakinaren % 10 eta % 35 bitartean
- Handia:erreferentziazko ahorakinaren % 35 baino gehiago
Errezetek, gehienetan, erreferentziako ahorakinarekiko ehuneko altuak dituzten osagaiak izaten dituzte (kolore horia eta laranja dira nagusi). Plater horiek bazkari edo afari batean plater nagusi izateko daude pentsatuta; hori dela eta, haien errazio-tamaina handiagoa izaten da, eta mantenugai-kantitatea ere bai.
Horregatik, errezetek eta produktuek ez dauzkate kolore-muga berak. Adibidez, elikagai baten mantenugaiek kolore horia izango dute EAren % 20ra arte, baina otordu nagusitzat jotzen diren errezetek, aldiz, EAren % 35era arte izango dituzte mantenugaiak horiz.
| Kaloriak | Gantza | Gantz asea | Azukreak | Gatza | |
|---|---|---|---|---|---|
| Zer da txikia errazioko | 200 Kcal edo gutxiago | 7 g edo gutxiago | 2 g edo gutxiago | 9 g edo gutxiago | 0,6 g edo gutxiago |
| Zer da ertaina errazioko | 200 Kcal eta 700 Kcal bitartean | 7 g eta 25 g bitartean | 2 g eta 7 g bitartean | 9 g eta 32 g bitartean | 0,6 g eta 2,1 g bitartean |
| Zer da handia errazioko | 700 Kcal edo gehiago | 25 g edo gehiago | 7 g edo gehiago | 32 g edo gehiago | 2,1 g edo gehiago |
| Mantenugaiak | Eguneko Kantitate Orientagarria |
|---|---|
| Kaloriak | 2.000 Kcal |
| Gantza | 70 g |
| Gantz asea | 20 g |
| Azukreak | 90 g |
| Gatza | 6 g |
Erreferentziako ahorakina balioa (erreferentziako ahorakina) dieta osasungarria izateko egunero ahoratu behar ditugun mantenugaiei buruzko eta kaloria-kopuru totalari buruzko gida bat da. Erreferentziako ahorakinarekiko ehunekoak adierazten du errazio batean dagoen mantenugai baten kantitatea zenbat den egunean hartu beharko litzatekeen kantitatearekiko.
Erreferentziako ahorakinarekiko Erreferentziako ahorakina ehunekoak egunean 2.000 kilokaloria ahoratzen dituen emakumezko heldu baten kasurako daude kalkulatuta. Norbanakoen nutrizio-premiak handiagoak edo txikiagoak izan daitezke sexuaren, adinaren, jarduera fisikoaren eta beste faktore batzuen arabera.
Etxeko pizzei garaian garaiko barazkiak bezalako elikagai freskoak gehitzen bazaizkie, arrazoi ona da haurrak elikagai horiekin gozo-gozo ibiltzeko. Pizzaren masak karbohidrato konplexu ugari ditu, eta horiek energia ematen dute pixkanaka-pixkanaka; barazkiek, berriz, hainbat bitamina, mineral eta eragin antioxidatzailea duten substantziak dituzte, osasunerako oso onuragarriak. York urdaiazpikoa da errezetaren ekarpen proteikoa, baina ia ez du gantzik. Pizzak umeei barazkiak eskaintzeko modu egokia izan arren, kontuan hartu behar da pizzaren oinarriak eta zenbait osagaik (gaztak, esaterako) plateraren kaloria-edukia handitu egiten dutela, eta, beraz, komeni da horrelako plateren kontsumoa gehiegi ez hartzea.
- Ácido úrico y gota
- Alergia al huevo
- Alergia al pescado
- Anemia ferropenica (falta de hierro)
- Anemia perniciosa (carencia de vitamina B12)
- Anemia por carencia de ácido fólico
- Cálculos renales
- Diabetes mellitus
- Estreñimiento
- Gastritis
- Hipercolesterolemia
- Hipertensión arterial
- Hipertrigliceridemia
- Meteorismo
- Obesidad o sobrepeso
- Osteoporosis
- Alergia a la caseína
- Cálculos en la vesícula biliar
- Intolerancia a la lactosa
- Intolerancia al gluten (celiaquía)
