Soba
Gari sarrazenoa edo alforfoia izendatzeko erabiltzen da (berez ez da zereal hutsa), eta ale horrekin egindako fideo finak izendatzeko erabiltzen da. Fideo finak izendatzeko ere erabiltzen da, gari-irinez egindako tagliatelatxo lodiekin alderatuta; horiei udon deritze. Normalean, hotzak jaten dira, saltsa batekin; edo beroak, salda batean sartuta.
Yakisoba
Gari-irinez egindako tagliatelleak dira. Kozinatzeko, bota olio begetal pixka bat lapiko baten gainean, eta gehitu haragia eta barazkiak (azenarioa, hazi-kimuak, aza edo tipula). Azkenik, fideoak eta ur pixka bat bota, eta ur hori lurruntzen den arte prestatu. Orduan, saltsarekin elkartu.
Bitxia bada ere, yakisoba ere deitzen zaio saltsa horri, eta, normalean, osagai hauekin egiten da: Worcestershire saltsa, ostra-saltsa, soja-saltsa, azukrea, sesamo-olioa, mirin (zapore gozoko arroz-ardoa, sakearen antzekoa, baina alkohol-eduki txikikoa), kétchup eta piperbeltza.
Sukia
Japoniako plater hau txahalki- edo tofu-haragi xehez osatua dago, egosita, barazkiekin eta beste osagai batzuekin, soja, azukre eta mirin saltsaren nahasketa batean.
Ramen
Aldaera asko dituen zopa japoniarra. Funtsean, haragiz eta barazkiz egindako saldan zerbitzatutako fideo-platera da, eta hainbat goarnizio gehitzen zaizkio, hala nola algak edo txerri-haragia.
Teriyaki
Kozinatzeko teknika, sojarekin, sakearekin (edo mirinarekin) eta azukrearekin (edo eztiarekin) egindako saltsarekin marinatutako elikagaiak parrillan erretzeko. Eskuarki, izen hori erabiltzen da saltsarako, eta, hedaduraz, mendebaldeko sukaldaritzan erabiltzen da, harekin egindako edozein plater izendatzeko.
Noodleak
Adiera hertsian, fideoak izendatzeko ingelesez erabiltzen den hitza da. Baina gure inguruan ekialdeko fideoak aipatzeko erabiltzen dugu, gure gastronomiako zopetan erabiltzen ditugunak baino luzeagoak eta espagetiak baino estuagoak.
