Erdialdeko Afrikako zazpi herrialdetako buruzagiek, Kongoko Errepublikako hiriburuan (Brazzaville) bildurik, itun historiko bat sinatu dute Kongoko Arroako oihana, Amazoniaren ondoren munduko oihan tropikal handiena, salbatzeko.
Akordio hori larunbatean sinatu zen, Afrika Erdiko buruzagien bi eguneko gailurra amaitu ondoren. Frantziar kolonia ohian bildu ziren, Afrikaren bihotzean 200.000 hektareako eskualde baten zortea eztabaidatzeko. Bilera hartan izan zen Jacques Chirac frantziar lehendakaria, Kongo eta Senegalen bira labur bat egiten ari dena.
“Herentzia eder bat, Kongoko Arroko aberastasunik handiena, oihana, zaintzeko bildu gara hemen”, esan zuen Chirac-ek Kongoko Parlamentuaren egoitzan, Brazzavillen. “Baso horien babesak ezin du itxaron”, gehitu zuen.
Kongoko Arroko oihana 10 herrialdetan hedatzen da, eta Afrikako animalia-espezieen erdiak baino gehiago biltzen ditu, lautadako gorila-populazio osoa barne. 20 milioi pertsona inguru daude gune horren mende, bere mantenurako eta babeserako. Baina mozketak eta legez kanpoko ehizaldiak eta bolizko trafikoak oihana suntsitzen aritu dira erritmo kezkagarrian.
Akordioa Kongoko Errepublikako, Gabongo, Sao Tomeko, Ginea Ekuatorialeko, Kongoko, Txadeko eta Afrika Erdiko Errepublikako liderrek sinatu zuten.
