Nazioarteko Egun edo Urte bat ospatzeak esan nahi du protagonistak herritarren arreta behar duela. 2008an, gure planetak bi ekitaldiak izan zituen: apirilaren 22an Lurraren Eguna izan zen, eta aurten, berriz, Lurraren Nazioarteko Urtea (AIPT), Nazio Batuen Batzar Nagusiak aldarrikatua. Gara Mora Carrillo fisikak (Madril, 1978) Espainiako Geologia eta Meatzaritza Institutuko Kultura Zientifikoaren Unitatea (IGME) ordezkatzen du, eta Espainiako AIPTren jarduerez arduratzen da. Aditu horren arabera, ekitaldi honen helburua da gizartea gizateriaren eta Lurra planetaren arteko harremanaz kontzientziatzea, eta Lurraren Zientziak edo Geozientziak garrantzitsuak direla azpimarratzea, bizi-kalitatea hobetuko duen eta planetako dinamika zainduko duen etorkizun orekatua eta jasangarria lortzeko.
