CONSUMER eroski-k, Eroski Fundazioak argitaratutako kontsumitzailearen egunkariak, hondakinen birziklatzeari eta tratamenduari buruzko APIA-CESPA lehen kazetaritza-saria jaso du, on line modalitatean. Alex Fernández Muerzaren “Papera eta kartoia birziklatzearen garrantzia” lanak jaso du saria.
Ingurumen Informazioko Kazetarien Elkarteak eta CESPAk (Ferrovial Taldeak parte hartzen duen enpresa-taldea) Espainian eta Portugalen ingurumen-zerbitzuak eta hondakinen kudeaketa eta tratamendua eskaintzen dituzte. Sariaren helburua birziklatzearen aldeko dibulgazio-lana bereiztea da.
Saritutako lana 2008ko abenduan argitaratu zuen CONSUMER eroski-k Ingurumen Kanalean, eta azaltzen du papera eta kartoia birziklatzearen egokitasuna eta kontsumitzaileak material horiek behar bezala berreskuratzeko eta birziklatzeko prozedurarik egokiena aukeratzeko duen garrantzia. Gainera, txostenak Espainian papera jaso eta birziklatzeari buruzko datuak ematen ditu. Sariaren epaimahaiak (kazetariak eta ingurumen-ingeniariak) Espainiako hainbat lekutatik bidalitako ia ehun lanen artean aukeratu ditu hiru irabazleak. Sariak azaroaren 10ean banatuko dira Murtzian. Irratiaren eta telebistaren modalitatean, Ana Carretero Castañok jaso du saria, CANAL SUR 2, “Beiraren birziklapena” programaren barruan egindako lanagatik. Eta prentsaren modalitatean, María José Montesinosek La Verdad de Murcia saioaren saria jaso du: “Itzalaldi analogikoak telebistako ekoparkeak eta TDT aparatuak betetzen ditu”.
CONSUMER EROSKI beste urrats bat da EROSKI Fundazioak kontsumitzaileei informazio erabilgarria, praktikoa eta fidagarria eskaintzeko egindako apustuan. Bere ardatzetako bat ingurumenari eta birziklatzeari buruzko informazioa da. Informazio proiektu osoan zuzenean eta zeharka azaltzen da. CONSUMER eroski-ren Ingurumen Kanalak egunero argitaratzen ditu energiarekin eta zientziarekin, naturarekin eta hiriko ingurumenarekin lotutako albisteak, ikerketa esklusiboak, elkarrizketak, artikuluak eta erreportajeak. Guztira, ingurumenari buruzko 20.000 eduki baino gehiago ditu web gune honek. CONSUMER EROSKI hiru milioi erabiltzaile bakar baino gehiagori iristen zaie hilero, eta 900.000 pertsona baino gehiagok jasotzen dituzte beren posta elektronikoan harpidetu diren buletinak, besteak beste, Ingurumenekoa, urtean zehar hamabostean behin bidaltzen dena, larunbatetan beti ere.
