Energia berriztagarriak bai, baina ez edozein preziotan. ‘Electricidad verde’ lanaren ondorioetako bat da. Lehen mailako adituek parte hartu dute lan horretan, hala nola Etxe Zuriko aholkulariek edo Massachusettseko Institutu Teknologikoko irakasleek (MIT). Aditu horietako batek, Jorge Padillak, LECG aholkularitza-enpresa multinazionaleko Europako zuzendari exekutiboak, azaltzen du datuek energia berriztagarrien ingurumen-onurak erakusten dituztela, baina ezin dira sustatu industria-lehiakortasunaren edo kontsumitzaileen kontura, elektrizitateagatik gehiago ordainduz gero.
Jorge Padilla Europako zuzendari exekutiboa da Legal Technology & Analytic Consulting (LECG) aholkularitza-enpresa multinazionalean, eta doktorea eta masterra da Oxfordeko Unibertsitatean. Hainbat industriatako enpresei aholkuak ematen dizkie energiaren sektoreko lehiaren politikarekin eta erregulazioarekin zerikusia duten gaietan. Politika Ekonomikoaren Ikerketa Zentroko (CEPR, Londres) eta Moneta eta Finantza Ikasketen Zentroko (CEMFI) kide da, eta Competition Policy International, Review of Economic Studies Spanish argitalpen-kontseiluko kide izan da.
