NBEko Klima Trukerako Panelak (IPCC) ohartarazi du Himalaiako glaziarren urtzeak Txinan eta Asiako hegoaldean izango dituen ondorioak; berotze globalaren ondorioz, bizkortu egin da.
Hala, Qinghai-Tibeteko goi-lautadako glaziarren laurdena urtuko zen 2050ean, esan zuen IPCCko kide Qin Dahek. Glaziar horiek funtsezkoak dira jendearen ekonomiarako eta bizitzarako, ez bakarrik Txinan, baita Asiako hegoaldean ere, azaldu zuen. Tibeteko glaziarrek Asiako eskualdeko ibai handiak elikatzen dituzte, besteak beste, Yangtsé, Ganges eta Mekong. Horien deltetan dago “Hegoaldeko Asiako aletegia”, esan zuen Rajendra Pachauri indiarrak.
IPCCko kide den Wu Shaogongek adierazi zuenez, ale-ekoizpena %30eraino jaitsi daiteke Erdialdeko eta Hegoaldeko Asian. Hala, Txinako nekazaritza-ekoizpena %5 eta %10 bitartean jaits liteke 2050ean, eta gari-, arroz- eta arto-kopuruak behera egin dezake, adierazi zuen Oin-ek.
Txinak uko egin dio co2-aren emisioak murrizteko konpromisoei, berotze globalaren eragile nagusia baita, baina ohartarazi du fenomeno horrek mehatxu larriak eragiten dituela hazkunde ekonomikorako. Pachaurik gogorarazi duenez, herrialde industrializatuek dute emisioak murrizteko ardura handiena, berotze globalaren eragile nagusiak baitira. Txinak ere eman du arrazoi hori, gaur egun, munduko bigarren karbono dioxido igorlea, emisioak murrizteko konpromisoa har ez dadin.
