BBVAren Azterlan Zerbitzuak egindako “Kontsumoaren egoera” azterlanak emandako datuak dira, eta automobilen parkea handitzeko aukera dago, faktore hauetan oinarrituta:
–Automobila gutxi sartzen da 65 eta 74 urte bitarteko familiaburuetan. % 56k bakarrik du automobila; Estatu Batuetan, berriz, % 81ek. Autoa erabiltzen ohituta dagoen biztanleria zahartzeak kopuru hori handituko du datozen urteetan.
–Parkea gaztetzea. Espainia Europako zaharrena da. 2003an, ibilgailuen %36k hamar urtetik gorako antzinatasuna zuen. Ibilgailu berri batera aldatzeak ez dakar beti baja ematea ibilgailu zaharrari, bigarren ibilgailu gisa gorde ohi baita.
–Immigrazioa: langileak nolabaiteko lan-egonkortasuna lortzen duenean hartzen da erosteko erabakia. Kasu horretan, eskaria, hasiera batean, bigarren mailako ibilgailuei buruzkoa izaten da, eta, ondoren, behe-mailako ibilgailu berrietara sartzen da.
–Finantzaketa: kredituak merkatzeak eta autoen prezioak inflazioa baino gutxiago igotzeak gutxitu egin du Automobilaren Erosketa Finantzaturako Familiaren Ahalegina (EFCA), 1994an % 17tik 2004an % 11ra. Nolanahi ere, kontsumorako finantzabidea gure inguruko herrialde aberatsenen batezbestekoa baino txikiagoa da Espainian.
–Banketxeak ondorioztatu du oso zaila izango dela 2004an saldutako 1,6 milioi ibilgailuko errekorra gainditzea. Aurreikuspenen arabera, salmentak 1,4 milioi unitatetan egonkortuko dira urtean.
