Udako lehen irteera-operazioa puntukako gidabaimena martxan jartzearekin batera egin da, eta 23 lagun hil dira errepideetan, iaz baino bi gutxiago, Trafiko Zuzendaritza Nagusiak (DGT) emandako datuen arabera. Ostiraleko 15:00etatik gauerdiko 15:00ak arte erregistratutako 20 istripu hilgarrietan, gainera, zazpi zauritu larri eta beste zortzi larri izan ziren.
Atzo, igandea, egunik tragikoena izan zen: 12 lagun hil ziren 10 istriputan, eta bi zauritu larri eta hiru arin eragin zituzten. Larunbatean bi istripu hilgarri izan ziren, eta hiru pertsona hil ziren, lau zauritu larri eta beste bost, arinak. Ostiralean zortzi pertsona hil ziren beste hainbeste ezbeharretan, eta zauritu larri bat ere izan zen.
2005eko udako lehen irteeran, uztailaren 1etik (ostirala) 3ra (igandea), 22 istripu izan ziren, eta 25 hildako eta 34 zauritu eragin zituzten.
