Patata gisatuak txerri-saiheskiekin
Prestaketa
Egin frijitu bat tipula-erdiarekin, piper gorri bat eta piper berde bat, erramu-hosto bat, bi baratxuri-ale eta piperrauts pixka bat. Dena bota, eta barazki horretan saihetsak ere frijitu. Bestalde, patatak zuritu eta zatitu (patata kraskatuak deitzen zaie, zatitzean zarata egiten dutenak). Dena batera sueztitu eta gero urez estali eta su motelean egosi 45 minututik 60ra bitartean. Zerbitzatu baino 10 minutu lehenago utzi pausatzen.
Nutrizio-semaforoa
Nutrizio-semaforoa kolorez osaturiko sistema bat da, eta haren bidez argi, erraz eta ondo ulertzen dira nutrizio-balioak.
Errazio batek hau dauka:
| Kaloriak | Gantza | Gantz asea | Azukreak | Gatza |
|---|---|---|---|---|
| 261 | 4,7g | 1,5g | 5,2g | 0,1g |
| 13% | 7% | 7% | 6% | 2% |
* heldu baten erreferentziako ahorakinarekiko
- Txikia: erreferentziako ahorakinaren % 10 edo gutxiago
- Ertaina:erreferentziako ahorakinaren % 10 eta % 35 bitartean
- Handia:erreferentziazko ahorakinaren % 35 baino gehiago
Errezetek, gehienetan, erreferentziako ahorakinarekiko ehuneko altuak dituzten osagaiak izaten dituzte (kolore horia eta laranja dira nagusi). Plater horiek bazkari edo afari batean plater nagusi izateko daude pentsatuta; hori dela eta, haien errazio-tamaina handiagoa izaten da, eta mantenugai-kantitatea ere bai.
Horregatik, errezetek eta produktuek ez dauzkate kolore-muga berak. Adibidez, elikagai baten mantenugaiek kolore horia izango dute EAren % 20ra arte, baina otordu nagusitzat jotzen diren errezetek, aldiz, EAren % 35era arte izango dituzte mantenugaiak horiz.
| Kaloriak | Gantza | Gantz asea | Azukreak | Gatza | |
|---|---|---|---|---|---|
| Zer da txikia errazioko | 200 Kcal edo gutxiago | 7 g edo gutxiago | 2 g edo gutxiago | 9 g edo gutxiago | 0,6 g edo gutxiago |
| Zer da ertaina errazioko | 200 Kcal eta 700 Kcal bitartean | 7 g eta 25 g bitartean | 2 g eta 7 g bitartean | 9 g eta 32 g bitartean | 0,6 g eta 2,1 g bitartean |
| Zer da handia errazioko | 700 Kcal edo gehiago | 25 g edo gehiago | 7 g edo gehiago | 32 g edo gehiago | 2,1 g edo gehiago |
| Mantenugaiak | Eguneko Kantitate Orientagarria |
|---|---|
| Kaloriak | 2.000 Kcal |
| Gantza | 70 g |
| Gantz asea | 20 g |
| Azukreak | 90 g |
| Gatza | 6 g |
Erreferentziako ahorakina balioa (erreferentziako ahorakina) dieta osasungarria izateko egunero ahoratu behar ditugun mantenugaiei buruzko eta kaloria-kopuru totalari buruzko gida bat da. Erreferentziako ahorakinarekiko ehunekoak adierazten du errazio batean dagoen mantenugai baten kantitatea zenbat den egunean hartu beharko litzatekeen kantitatearekiko.
Erreferentziako ahorakinarekiko Erreferentziako ahorakina ehunekoak egunean 2.000 kilokaloria ahoratzen dituen emakumezko heldu baten kasurako daude kalkulatuta. Norbanakoen nutrizio-premiak handiagoak edo txikiagoak izan daitezke sexuaren, adinaren, jarduera fisikoaren eta beste faktore batzuen arabera.
Haragi-gisatuak eta patatak ohikoak dira herrialdeko edozein eskualdetan, eta osagai nagusiak berdinak diren arren eskualde gehienetan, asko aldatzen dira errezeta osatzen duten gainerako elikagaiak. Nolanahi ere, azken emaitza plater osatua da, osagaien nutrizio-orekagatik nabarmentzen dena: haragia, kasu honetan txerria, osagai proteikoa da, eta patatak, berriz, elikagairik energetikoena, karbohidratotan aberatsa baita. Errezetak zenbat eta barazki gehiago izan, orduan eta ugariagoa eta askotarikoagoa izango da bitamina, mineral eta zuntz kopurua. Olioa, txerri-saiheskiarekin batera, errezetaren osagairik koipetsuena da, eta olio askorik erabiltzen ez denez, plater energetikoa dela esan daiteke, baina ez kaloria gehiegi dituena.Gaur egungo
bizimoduak denbora gutxiago eskatzen du sukaldean, eta, beraz, horrelako gisatuak kasu berezietan bakarrik geratzen dira. Hala ere, kontuan hartuta errezeta merkea, oso elikagarria eta egiteko erraza dela, interesgarria litzateke ohiko elikaduran sartzea, dieta-mota gehiago aldatzeko, eta, horrekin batera, patatak ere bai. Oinarrizko elikagaia da, eta azken urteetan behera egin du. Gainera, patatak ia elikagai guztiekin konbinatzen diren elikagaiak dira, eta, ondorioz, menua ahalik eta gehien aldatzen da: patatak lekalearekin, txekorrarekin, bakailaoarekin, hegaluzearekin...Otordu
orekatua, osasungarria eta adin guztietarako egokia lortzeko iradokizuna: barazki- edo entsalada-plater bat, patata-gisatua txerri-saiheskiarekin eta postreko esneki bat.
- Alergia a la caseína
- Alergia al huevo
- Alergia al pescado
- Anemia ferropenica (falta de hierro)
- Anemia perniciosa (carencia de vitamina B12)
- Anemia por carencia de ácido fólico
- Cálculos en la vesícula biliar
- Cálculos renales
- Diabetes mellitus
- Estreñimiento
- Hipertensión arterial
- Intolerancia a la lactosa
- Intolerancia al gluten (celiaquía)
- Meteorismo
- Obesidad o sobrepeso
- Osteoporosis
- Ácido úrico y gota
- Gastritis
- Hipercolesterolemia
- Hipertrigliceridemia
