Cambridgeko (Estatu Batuak) Whitehead Ikerketa Biomedikoaren Institutuko zientzialari-talde batek odol-gaixotasun larri bat (zelula faltziformeak ere deitzen zaion anemia drepanokitikoa) zuzentzeko diseinatutako zelula amak garatzea lortu du.
Nahaste hori duten pertsonek hemoglobinan anomalia bat dute. Arazo horren jatorria hemoglobina ekoizteaz arduratzen den genearen mutazioan dago. Gaitza dutenek anemia kronikoa eta konplikazio ugari izaten dituzte. Haren immunitate-sistema zaurgarriagoa da infekzioekiko, min-krisia eta arnas arazoak dituzte, besteak beste.
Ameriketako Estatu Batuetako ikertzaileek anemia-forma bitxi horrekin birprogramatu eta manipulatu zituzten sagu baten azaleko zelulak genetikoki. Zelula-transplanteak odol-zelula osasuntsuak sortzea lortu zuen, eta gaixotasunaren arrasto guztiak ezabatu zituzten.
Aurrerapen berri hori bi talde zientifikok munduari erakutsi ondoren zelula heldu xume bat zelula pluripotentzial bihur zitekeela eta ia edozein ehun bihur zitekeela. Mugarri zientifiko horri esker, zelula-iturri agortezina izango da, transplantea egiteko prest dauden ehunak eta organoak sortzeko, errefusatze immunologikorik eta arazo etikorik gabe.
