Erresuma Batuko zientzialariek itsutasun-mota arruntena, makula-endekapena, sendatzeko lehen terapia sortu dute. Batez ere 60 urtetik gorako pertsonengan gertatzen da. Enbrioi-zelula amen erabileran oinarritzen den teknika berria ordubeteko ohiko esku-hartzea izango da, eta sei edo zazpi urtean praktikatzeko prest egongo da.
Adinari lotutako makula-endekapena (DMAE) 50 urtetik gorako pertsonen erretinaren zentroari eragiten dion gaixotasuna da, eta begiko zelulak galtzea dakar. Ikusmen zentrala hondatzen du eta egunkaria irakurtzea, erlojua begiratzea edo telebista ikustea zailtzen ditu. Diabetesaren atzetik, zaharrenen artean maizenik itsutasuna eragiten du.
Kornearen zelula endekatu edo hil horien geruzaren ordez enbrioi-zelula ametatik sortutako zelula berriak erabiltzea dakar sendatze-sistema berriak.
Teknika Londresko University College-ko Oftalmologia Institutuko eta Moorfields Eye Ospitaleko zientzialari eta zirujauek garatu dute. Pfizer farmazialariak iragarri du terapia finantzatzeaz arduratuko dela.’
Aurrerapen mediko horren garrantzia da DMAEk gero eta jende gehiagori eragiten diola bizi-itxaropena handitzeagatik.
