Bartzelonako Unibertsitate Autonomoko (UAB) zientzialariek frogatu dute leishmaniasia tratatzeko antibiotiko berri baten eraginkortasuna eta segurtasuna, txakurrek gizakiei transmititzen dieten parasito-gaixotasun endemikoa. Lehenengo aldiz frogatu da antibiotikoak baliagarriak direla egoera kliniko errealetan parasito-eritasunetan.
Aditu horiek, gainera, baieztatu dute antibiotikoak beste infekzio batzuen tratamendua hobetu dezakeela, parasitoak izan ala ez, ez baita albo-ondoriorik hauteman eta zaila baita erresistentziak sortzea. Leishmaniasiak GIBarekin duen koinfekzioa tratatzeko sendagai gisa zuzenean erabil daitekeela ere ziurtatzen dute, seropositiboen %10 jasaten baitu.
Gaixotasun horrek 12 milioi pertsonari eragiten die mundu osoan, 400 milioi inguruk gaixotasun hori jasateko arriskua dute eta urtean 60.000 eta 100.000 pertsona bitarte hiltzen ditu. Leishmaniasia parasito zelulabakarrek eragiten dute, eta horiek flebotomoen ziztadekin kutsatzen dira, eltxoen antzeko intsektuak.
