Nabarmen hazi dira gaixoek osasun publikoaren eta pribatuaren aurka jarritako salaketak, ustez zabarkeria medikoagatik. Pazientearen Defendatzailearen Elkarteak mota horretako 12.404 salaketa jaso ditu aurten, 2005ean baino 367 gehiago. Hazkunde hori gertatu da, batez ere, etengabe hazten ari den biztanleriari erantzuteko langilerik ez dagoelako eta osasun-langileek grebak egiten dituztelako, elkarte horren urteko memorian ageri denez.
Carmen Flores Pazientearen Defendatzailearen arabera, 2006. urtean okerrena izan da autonomia-erkidego bakar batek ere ez dituela bete itxarote-zerrendak murrizteko helburuak, eta larrialdiek, langilerik ezagatik masifikazio-arazoak mantentzeaz gain, orain “intimitate gutxiago” eskaintzen dutela pazienteen tratamendurako, eta horrek kalitatea gutxitzea ekarri du.
Zabarkeriagatiko salaketa gehienak osasun pribatuko ospitaleen aurka aurkeztu dira, Administrazioak ez baitu zerbitzuaren kalitatearen kontrolik. Osasun publikoan, arazo nagusiak langilerik ezagatik izan dira, larrialdiak “kolapsatuta” egoteagatik eta familia-medikuek paziente gehiegi edukitzeagatik. Asteburuetan eta oporretan guardiako medikuek egindako grebak eta “akatsak” ere arazo-iturri izan dira, ez baitakite pazientearen historia.
Eskualdeka, Madrilgo Erkidegoak izan ditu salaketa gehien, 4.102, eta San Carlos Ospitale Klinikoa izan da salatuena. Ondoren, Andaluzia dator, 1.215 salaketarekin, eta Sevillako Virgen del Rocío Ospitalea da kexa gehien jasotzen dituena. Hirugarrenik, Katalunia dago, 1.103 salaketarekin, eta Bartzelonako Vall d’Hebrongo ospitalea da salatuena.
Jarraian, Valentziako Erkidegoa dago, 1.087 salaketarekin, eta Valentziako Doctor Peset Unibertsitate Ospitalea, baloraziorik txarrena jaso duena; ondoren, Galizia, 794 salaketarekin, eta Vigoko Xeral-Cies Ospitalea, kexa gehien jaso dituena; Gaztela eta Leon, 780 salaketarekin; eta Valladolideko Ospitale Klinikoa, salatuena, eta Euskal Herria.
