Pertsona Gorren Estatuko Konfederazioa (CNSE) da toki publikoetako gorrentzako bideotelefono-sistemaren (CILENSI) bultzatzaile nagusia. Barajasko aireportua edo Telefónicaren egoitza nagusia bezalako eraikin batzuetan probatzen hasi dira. Asmoa da pertsona horiek leku publikoetan berehala eta doan komunikatzea interprete baten bidez.
Horrelako kabina bat sortzen den tokietan, gorreriaren nazioarteko ikurra jarriko da. Norbaitengana hurbiltzen den pertsona gorra mintzakidearekin komunikatu ahal izango da, eta, gainera, gestioren bat egin behar dutenean, interprete bat eduki ahal izango dute, bere zerbitzuak urrutitik eskainiko dituena, komunikazioa posible eginez. CNSEk dio CILENSI sistema “iraultzailea” dela eta “milaka pertsona gorren egoera hobetuko duela” Espainian, “erabateko autonomia” ematen baitie.
CNSEz gain, Arix Videofónicak (laguntza teknologikoarekin), IMSERSOren eta Caja Madrid-en Gizarte Ekintzaren finantziazioak eta Telefónica Fundazioaren eta Espainiako Aireportuen eta Aireko Nabigazioaren lankidetzak lagundu dute.
