Etekina Fundazioak ahulenei begira egiten du lan: haurrei begira. 2009an, 850 adingabe baino gehiagori lagundu zien, eta askotariko zerbitzuak bermatu zitzaizkien, hala nola, etxeko lanak egiteko edo jarduera-eskaintza zabala izateko laguntza. Eskulanak, txangoak, bisita kulturalak, informatika- edo gizarte-gaitasunetako eskolak dira adingabeen abandonua eta isolamendua prebenitzeko, eskola-porrotari aurre egiteko eta balioetan oinarritutako hezkuntza sustatzeko proposamenak. Gazteen kasuan, Fundazioko lehendakariak, María Entrecanalesek, azaldu du estrategia helburu bera duten esku-hartze ildoetan oinarritzen dela: gizarteratzea sustatzea. Eskolari eta ikasketei laguntzeko tailerrak ematen dira, trebetasun sozialak eta pertsonalak lantzen dira eta aisiarako alternatiba osasungarriak proposatzen dira, hala nola kirola edo dantzak.
