Ekuadorren azken egunetan izandako eurite bortitzek uholde larriak eragin dituzte herrialdeko bederatzi probintziatan. Orain arte, 3,5 milioi lagun baino gehiago eta 265.000 ebakuatu izan dira, dio Intermón Oxfamek. Herrialdeko Gobernuak larrialdi-egoera eta mobilizazioa deklaratu ditu lurralde osoan.
Ekuadorreko agintariek nazioarteko laguntza eskatu dute kaltetuei laguntzeko. “Laguntza eskatzen dugu sendagai eta ekipamendu medikoetan, jaki ez kaltegarri eta likidoetan, komunikazio-ekipoetan (GPSa, megafonoak, irratiak), ura edangarri bihurtzeko instalazioetan, sorgailu elektrikoetan, lehen laguntzetarako kitetan, poteetan, kanoetan, motorretan, koltxoietan, mantetan, lozakuetan, eltxoetan, sukaldeko kitetan eta kanpoko higienerako kitetan”, adierazi zuen Larrea ministroak.
Guayas, Los Ríos, El Oro eta Manabí dira probintzia kaltetuenak. Arroz-, banano-, kakao- eta kafe-alorretan 100.000 hektarea inguru suntsitu direla kalkulatzen da. Hiriguneetako merkataritza-jarduera ere hondatu egin da.
AECIDen laguntza
GKEak koordinazioari ekin diote, kaltetutako komunitateei laguntzeko ekintzak ezartzeko. Oxfam Internacionalen talde bat bihar aterako da inguru horretara, bertan berehalako laguntza-beharrak ebaluatzeko.
Garapenerako Nazioarteko Lankidetzarako Espainiako Agentziak (AECID), berriz, abian jarri du larrialdietan koordinatzeko operatiboa, Ekuadorren laguntza-eskaerari erantzuteko. AECIDen arabera, 125.000 pertsonak berehalako laguntza behar dute.
Bestalde, Espainiak berretsi egin du prest dagoela Paraguayk herrialdearen sukar horiaren epidemia dela eta duen osasun-larrialdiari erantzuteko.
