Eredu biometrikoen bidezko identifikazioan espezializatutako Valentziako enpresa da SABa, eta "FUturoko HOtel-aren teknologiak" (THOFU) proiektu nazionalean parte hartzen du. Ekimen honen bidez, kontzeptu teknologiko berriak ikertu eta garatu nahi dira, bezero bakoitzari hotel-eskaintza berezia eskaintzeko. Optikako Institutu Teknologikoarekin (AIDO) eta Universitat de Valènciarekin lankidetzan, azterketa biometrikorako modu berriak ikertuko ditu SABk, hoteleko erabiltzaileak azkar identifikatzeko eta establezimendura sartzean edo establezimendua uztean egin beharreko tramite latzak aurrezteko. Ekimenak hiru urte eta erdi iraungo du, 23 milioi euroko aurrekontua du, eta Espainiako sektore giltzarri baten geldialdiari aurre egiteko erakargarri turistiko gisa jardun nahi da. Sektore horren mende daude beste azpisektore asko, eta horiek onuradun gehigarri bihurtuko lirateke. Horren erakusgarri da nola biometriak —gizabanako bat bere gorputzeko zenbait parametroren arabera identifikatzeak—, aireportuetan eta mugetan herritarrak kontrolatzeko balio izateaz gain, erosotasunaren eta erabiltzaile-esperientzia hobetzearen alde ere joka dezakeen. Eroski Consumer-ek Carlos Fontes, enpresako kontseilari delegatua, elkarrizketatu zuen.
