Charles Darwin naturalista ingelesaren obra osoa (1809-1882) doan kontsultatu ahal izango da Interneten hurrengo bi urteetan. John Van Wyhe Cambridgeko Unibertsitateko (Ingalaterrako hegoaldea) akademikoak sustatutako proiektua da.
“Espezieen jatorria” eta Darwinen gainerako lanak eskuragarri egongo dira www.darwin-online.org.uk web orrian. “50.000 bat testu-orrialde eta, gehienez, jatorrizko argitalpenen 40.000 irudi izango dira eskuragarri saguaren tekla sakatuta”, adierazi zuen unibertsitate britainiarreko bozeramaile batek.
Atari horrek, gainera, inoiz zabaldu ez diren koadernoak izango ditu, hala nola Darwinek lehen inpresioak Galapagoetan islatu zituen ohar-liburua, “Ikerketa-egunkariak: Beagleren bidaia” (1939), “HMS Beagle-ren bidaiaren zoologia” (1838-43) eta “Jatorriaren” bigarren, hirugarren, laugarren eta bosgarren edizioa.
Gainera, webguneak Darwinen inoiz konpilatutako bibliografiarik handiena izango du, baita eskuizkribuen katalogorik handiena ere, 30.000 sarrera baino gehiagorekin.
Gaur egun dagoen materialaren %50 baino ez duen ataria osatzea espero dute adituek, 2009an, zientzialariaren jaiotzaren bigarren mendeurrena eta eboluzioaren teoria argitaratu zeneko 150. urteurrena betetzen direnean.
