Frantziako Batzar Nazionalak gaur eztabaidatuko du egile-eskubideekin babestutako artxiboen on line trukearen aurkako lege-proiektua. Senatuak onartu zuen lehen irakurraldian, urrian. Arau berriak ondoko herrialdeko internautak Internet bidez musika edo filmak partekatzeaz konbentzitu nahi ditu.
Legeak zehapen-sistema bat aurreikusten du: babestutako artxiboak trukatzen dituzten internauta guztiak Saretik deskonektatzea bi eta 12 hilabete bitartean. Baina “entxufetik atera” aurretik, abisu bat jasoko dute.
Christine Albanel Frantziako Kultura ministroak kalkulatu du 10.000 internauta inguruk ohartarazpenak jaso ditzaketela egunero jarduera hori ez egiteko. Lehenengo abisua posta elektronikoz bidaliko da; bigarrena telefonoz edo posta arruntez.
Hirugarren abisua Hadopi-k emango du, artxibo babestuak partekatzen dituztenak zaintzeaz arduratzen den agintaritzak. Hirugarren ohar horrek lagunarteko akordioa egiteko aukera emango du, baldin eta internautak musika edo bideoak jaisten direla onartzen badu. Kasu horretan, Internet hilabete batetik hiru hilabetera galduko du. Adostasunik lortu ezean, erabiltzailea urtebete egon liteke sarera konektatu gabe.
Albanelek dioenez, zigorra baino lehenagoko ohartarazpen-mekanismoak abian jarri diren herrialdeetan, %65etik %70era jaitsi da babestutako artxiboen deskarga.
Espainian, gogoratu behar da zenbait epailek baieztatu dutela Interneteko artxiboak jaitsi eta beste erabiltzaile batzuekin partekatzea ez dela delitua, irabazi asmorik ez badago.
