Espainiako Barne Produktu Gordinari (BPG) 23.400 milioi euroko ekarpena egin zion Internetek 2011n, WSI frankiziak egindako kalkuluen arabera. Haren ustez, ekarpen hori hirukoiztu egin daiteke 2015erako, 63.000 milioi euroraino. Interneteko marketineko aholkularitza estrategikoaren sektorean espezializatuta dagoen konpainiak adierazi du merkataritza elektronikoak 157 milioi eurotik gorako negozio-zifra lortu zuela Espainian iaz.
Gailu bidezko erosketari dagokionez, tableta bat duten erabiltzaileen %63k haren bidez erosi du. Gainera, smartphone bat duen %31k erosteko erabiltzen du. Oraingoz, ordenagailua erabiltzen da gehien merkataritza elektronikorako, kontsumitzaileen %83k ordenagailu eramangarriaren edo mahai gaineko ordenagailuaren bidez erosi baitu.
Internetek eskaintzen dituen zerbitzuen enpresa-erabilerari dagokionez, 10 langile baino gutxiagoko ETEen %24k bakarrik du web-orria, eta horietatik %7k on line denda du. Datu horri esker, merkatua epe laburrean gara daiteke; izan ere, WSIren azterketen arabera, Internet beren jardueran sartzen duten enpresek %67ko negozioa eta salmentak garatzen dituzte.
“Presentzia digitala izatea betebehar bat da, mota guztietako enpresei onura ugari dakarkielako. On line agertzeak enpresa globalizatu egiten du, eta nazioan eta nazioartean ikusgai egoteko aukera ematen dio”, azaldu du Noemí Medinak, WSI Españako hedapen-zuzendariak.
Internet bidezko publizitate-fakturazioa ere aztertzen du konpainiak. Horren arabera, on line publizitatea 654 milioi eurokoa izan zen, hedabideetako publizitate guztiaren %11,6 izan arte.
