Microsoftek berretsi du Zune izeneko musika- eta entretenimendu-erreproduzitzaile berri bat merkaturatuko duela, Appleren iPod-arekin lehiatzen saiatzeko. Gailu hori urte-amaieran merkaturatu daiteke.
Une honetan, iPod-ak erreproduzitzaile digitalen merkatuaren erdia baino gehiago kontrolatzen du, eta Interneteko musika- eta bideo-dendak, iTunes-ek, AEBetako musika digitalaren salmenten %70 baino gehiago erregistratzen du, NPD aholkularitza-enpresaren datuen arabera.
Zune iristeak esan nahi du Microsoftek “argi eta garbi adierazi duela sektore horretako borroka”, dio Michael Gartenberg-ek, JupiterResearch-eko zundaketa-zuzendariak. Hala ere, aditu horrek ez du uste iPodari itzala egin ahal dionik, epe laburrean behintzat.
Beste gailuek ez bezala, Zunek aukera emango die erabiltzaileei bideoak eta musika haririk gabe deskargatzeko, eta hori berrikuntza handia da merkatu honetan. Gainera, iTunes-en antzeko denda digitala ere jarri nahi du martxan Microsoftek.
