Gobernuz kanpoko hainbat erakundetako (GKE) pertsona-talde batek sortu zuen Pangea 1993an. Une hartan, Internetek eta haren tresnek, batez ere posta elektronikoak, beste elkarte alternatibo batzuen lana errazteko zuten ahalmen handia ikusi zuten. Pertsona horien artean zeuden gaur elkarrizketari erantzuten diotenak: Leandro Navarro (egungo lehendakariordea), Assumpció Guasch (proiektuen zuzendari teknikoa) eta Lorena Merino (administrazio-kudeaketaren arduraduna). Hasiera-hasieratik, Pangeak helburutzat hartu zuen Interneterako eta haren tresna guztietarako sarbidea erraztea herrialdeko gainerako GKEei eta elkarteei, eta lortu egin zuten, ia ez baitzegoen sartzeko hornitzaile komertzialik. Gerora, Pangea eboluzionatuz joan da urteetan zehar, Internetek eta Informazioaren Gizarteak egin duten bezala, baina beti eutsi dio GKEei Interneteko sarbidea eta erabilera eraginkortasunez emateko helburuari. Gaur egun, 700 bat bazkidek osatzen dute Pangea, GKEen eta partikularren artean. Proiektu honetan parte hartzen dute eta beren zerbitzuak erabiltzen dituzte. Asociation for Progressive Communications (APC) elkarteko kide da.
